பூந்தமல்லி - போரூர் மெட்ரோ டிசம்பரில் பயன்பாடுக்கு வரும்: நிர்வாக இயக்குநர் சித...
மாருதி சுஸுகி இந்தியா நிறுவனத்தின் மொத்த விற்பனை கடந்த மே மாதத்தில் 3 சதவீதம் உயா்ந்துள்ளது.
இது குறித்து நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:
கடந்த மே மாதத்தில் நிறுவனத்தின் மொத்த விற்பனை 1,80,077-ஆக உள்ளது. முந்தைய 2024-ஆம் ஆண்டின் இதே மாதத்தில் 1,74,551 வாகனங்களை நிறுவனம் சில்லறை விற்பனையாளா்களுக்கு அனுப்பியிருந்தது. அதனுடன் ஒப்பிடுகையில், தற்போது நிறுவனத்தின் மொத்த விற்பனை 3 சதவீதம் அதிகரித்துள்ளது.
மதிப்பீட்டு மாதத்தில், நிறுவனத்தின் பயணிகள் வாகனங்களின் உள்நாட்டு விற்பனை 1,44,002-லிருந்து 1,35,962-ஆக (6 சதவீதம்) குறைந்துள்ளது.
2024-ஆம் ஆண்டு மே மாதத்துடன் ஒப்பிடுகையில், கடந்த மே மாதத்தில் ஆல்டோ, எஸ்-பிரஸ்ஸோவை உள்ளடக்கிய ஆரம்பநிலைக் காா்களின் விற்பனை 9,902-லிருந்து 6,776-ஆகக் குறைந்துள்ளது. பலேனோ, செலிரியோ, டிஸையா், இக்னிஸ், ஸ்விஃப்ட், வேகன்-ஆா் ஆகிய சிறிய வகைக் காா்களின் விற்பனை 68,206-லிருந்து 61,502-ஆகக் குறைந்துள்ளது.
கிராண்ட் விட்டாரா, பிரெஸ்ஸா, எா்டிகா, எக்ஸ்எல்6, ஜிம்னி ஆகிய பயன்பாட்டு வாகனங்களின் விற்பனை 54,204-லிருந்து 54,899-ஆக உயா்ந்துள்ளது. ஈகோ வேனின் விற்பனை 10,960-லிருந்து 12,327-ஆக உயா்ந்துள்ளது.
இலகுரக வா்த்தக வாகனமான சூப்பா் கேரியின் விற்பனை 2,692-லிருந்து 2,728-ஆக உயா்ந்துள்ளது. மேலும், நிறுவனத்தின் ஏற்றுமதி கடந்த மே மாதத்தில் 17,367-லிருந்து 31,219-ஆக உயா்ந்துள்ளது என்று அந்தச் செய்திக்குறிப்பில் தெரிவிக்கப்பட்டுள்ளது.
