``இந்தியாவைத் தலைமை தாங்க நீண்ட ஆயுளுடன் இருக்க வேண்டும்'' - மோடிக்கு ரஜினிகாந்த், இளையராஜா வாழ்த்து

பிரதமர் நரேந்திர மோடி இன்று தனது 75-வது பிறந்தநாளைக் கொண்டாடுகிறார்.

அவருக்கு அரசியல் தலைவர்கள், சினிமா பிரபலங்கள் என பலரும் பிறந்தநாள் வாழ்த்துகளைத் தெரிவித்து வருகின்றனர்.

அந்தவகையில் நடிகர் ரஜினிகாந்தும், இசையமைப்பாளர் இளையராஜாவும் பிரதமர் நரேந்திர மோடிக்கு பிறந்தநாள் வாழ்த்துகளைத் தெரிவித்து இருக்கின்றனர்.

ரஜினிகாந்த் வெளியிட்டிருக்கும் பதிவில், "உங்களுடைய பிறந்தநாளுக்கு என்னுடைய மனமார்ந்த வாழ்த்துகள் நரேந்திர மோடி ஜி. நம் அன்பு நாடான இந்தியாவை தலைமை தாங்க எப்போதும் நீண்ட ஆயுள், சிறந்த ஆரோக்கியம், மன அமைதி மற்றும் நிலையான வலிமை கிடைக்க வேண்டும் என்று வாழ்த்துகிறேன். ஜெய்ஹிந்த்!" என வாழ்த்தி இருக்கிறார்.

அதேபோல் இளையராஜா வெளியிட்டிருக்கும் பதிவில், " நமது கௌரவமிக்க பிரதமர் திரு நரேந்திர மோடி-ஜிக்கு மிகவும் இனிய பிறந்தநாள் வாழ்த்துக்கள். உங்கள் ஊக்கமூட்டும் தலைமைத்துவமும், மனமார்ந்த அர்ப்பணிப்பும் இந்தியாவை ஒரு பிரகாசமான எதிர்காலத்திற்காக வழிநடத்துகிறது.

நீண்ட ஆயுள், சந்தோஷம் உங்களுக்கு கிடைக்க வேண்டும். சிறந்த இந்தியாவை உருவாக்கும் உங்கள் பயணத்தில் மேலும் அதிகமான வெற்றிகள் கிடைக்க வாழ்த்துகிறேன்" என்று பதிவிட்டிருக்கிறார்.

சினிமா விகடனின் பிரத்யேக Whatsapp க்ரூப்

https://chat.whatsapp.com/JSk78H7siYK4aL2qO1RglR

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/JSk78H7siYK4aL2qO1RglR