திருப்பூரில் மத்திய அரசு சான்றிதழுடன் கூடிய இலவச எலெக்ட்ரிக்கல் வயரிங், பிளம்பிங் பயிற்சிக்கு வெள்ளிக்கிழமை (ஜனவரி 24) நோ்காணல் நடைபெறுகிறது.
இது குறித்து கனரா வங்கியின் கிராமப்புற சுய வேலைவாய்ப்பு பயிற்சி நிலையத்தின் இயக்குநா் சதீஷ்குமாா் வெளியிட்டுள்ள செய்திக் குறிப்பு: திருப்பூா் மாவட்டத்தில் ஊராட்சிக்குள்பட்ட கிராமங்களில் வசிக்கும் வறுமைக் கோட்டுக்குகீழ் வாழ் மக்களுக்கு கனரா வங்கியின் கிராமப்புற சுயவேலைவாய்ப்பு பயிற்சி நிலையத்தில் இலவச எலெக்ட்ரிக்கல் வயரிங், பிளம்பிங் ஒா்க் மற்றும் வீட்டு உபயோக சாதனங்கள் சரி செய்தல் தொடா்பாக 30 நாள்கள் முழு நேர பயிற்சி வகுப்பு நடைபெறுகிறது. இந்த பயிற்சிக்கான பயிற்சியாளா்கள் சோ்க்கை நடைபெற்று வருகிறது. பயிற்சிக்கான நோ்காணல் வெள்ளிக்கிழமை நடைபெறுகிறது. இதில், எழுதப் படிக்கத் தெரிந்த, 18 வயது முதல் 45 வயதுக்குள்பட்ட ஆண், பெண் இருபாலரும் விண்ணப்பிக்கலாம்.
பயிற்சிக்கு எவ்விதக் கட்டணமும் செலுத்த வேண்டியதில்லை. காலை, மாலை தேநீா் மற்றும் மதிய உணவு வழங்கப்படும். பயிற்சியின் முடிவில் மத்திய அரசின் சான்றிதழ் வழங்கப்படும். மேலும், தொழில் தொடங்க கடன் ஆலோசனைகள் வழங்கப்படும். பயிற்சிக்கு விண்ணப்பிக்க கனரா வங்கி கிராமப்புற சுய வேலைவாய்ப்பு பயிற்சி நிலையம் , 335/ ஆ-1,மஞ்சியம்மன் கோயில் எதிரில், முதலிப்பாளையம் பிரிவு, காங்கயம் சாலை, விஜயாபுரம் பகுதி, திருப்பூா் - 641606‘ என்ற முகவரிக்கு நேரில் வரவும், முதலில் வருவோா்க்கு முன்னுரிமை வழங்கப்படும்.
இது தொடா்பான கூடுதல் விவரங்களுக்கு 94890-43923, 99525-18441, 86105-33436 ஆகிய கைப்பேசி எண்களைத் தொடா்பு கொள்ளலாம் எனத் தெரிவிக்கப்பட்டுள்ளது.
