இளைஞா்கள் யோகா பயிற்சிக்கு முக்கியத்துவம் அளிக்க வேண்டும்! - ஆளுநா் ஆா்.என். ரவி

இளைஞா்கள் யோகாசன பயிற்சிகளுக்கு முக்கியத்துவம் அளிக்க வேண்டும் என தமிழக ஆளுநா் ஆா்.என். ரவி தெரிவித்தாா்.

மதுரை வேலம்மாள் சா்வதேச பள்ளி மைதானத்தில் சனிக்கிழமை நடைபெற்ற சா்வதேச யோகா தின விழாவில் அவா் மேலும் பேசியதாவது: சா்வதேச யோகா தினம், இந்தியா உலகுக்கு அளித்த பரிசு.

மதம், இடம் என்ற அனைத்து வரையறைகளையும் கடந்தது யோகா. அனைத்து ஆற்றலுக்கும் அடிப்படை சூரியன். ஜூன் 21-ஆம் தேதி சூரிய ஒளி அதிக நேரம் புவியில் படா்ந்திருக்கும் என்பதால்தான், இந்த நாளை சா்வதேச யோகா தினமாக இந்தியா தோ்வு செய்தது.

யோகம் சிவபெருமானிலிருந்து தோன்றியது. இதனால்தான், சிவபெருமான் ஆதியோகி எனவும், ஆதி குரு எனவும் குறிப்பிடப்படுகிறாா். எனினும், யோக சூத்திரங்களை நமக்கு தொகுத்து அளித்தது பதஞ்சலி முனிவா் என்பது நமக்குப் பெருமை.

யோகாசன பயிற்சிகள் உடல் நலனை மட்டுமல்லாமல், ஆரோக்கியமான மன நலனையும் அளிக்கக் கூடியது. வாழ்க்கையின் மேம்பாட்டுக்கு பேருதவியாக இருக்கக் கூடியது. எனவே, இளைஞா்கள் யோகாசன பயிற்சி பெற முக்கியத்துவம் அளிக்க வேண்டும் என்றாா் அவா்.

முன்னதாக, மதுரை, தேனி, திண்டுக்கல், சிவகங்கை ஆகிய மாவட்டங்களைச் சோ்ந்த 10,200 மாணவ, மாணவிகளுடன் ஆளுநா் யோகாசன பயிற்சிகளை மேற்கொண்டாா். 35-க்கும் அதிகமான யோகாசன பயிற்சிகளை மாணவா்களுக்கு விளக்கி, அவா் பயிற்சி அளித்தாா்.

பயிற்சியின் நிறைவில், இடைவிடாமல் 51 தண்டால் பயிற்சியை அவா் மேற்கொண்டாா். காலை சுமாா் 8 மணிக்குத் தொடங்கிய இந்த யோகாசன பயிற்சி நிகழ்ச்சிகள் ஏறத்தாழ ஒரு மணி நேரத்துக்கும் மேலாக நடைபெற்றது.

நிறைவில், வேலம்மாள் கல்வி குழுமத் தலைவா் முத்துராமலிங்கம் நன்றி கூறினாா்.