உத்தமபாளையம்: தேனி மாவட்டம், சின்னமனூரில் கடன் தொல்லையால் இளைஞா் திங்கள்கிழமை தூக்கிட்டுத் தற்கொலை செய்து கொண்டாா்.
சின்னமனூா் வ.உ.சி. நகரைச் சோ்ந்த முருகன் மகன் சதீஷ் (35). இவா் ஏற்கெனவே வங்கி ஒன்றில் நகை மதிப்பீட்டாளராக பணியாற்றினாா். தற்போது, வீட்டு உபயோகப் பொருள்களை தவணை முறையில் வீடுகளுக்குச் சென்று விற்பனை செய்து வருகிறாா். இந்த நிலையில், அவா் தொழிலுக்காக சிலரிடம் கடன் பெற்ாகக் கூறப்படுகிறது. இதனிடையே கடன் கொடுத்தவா்கள் நெருக்கடி கொடுத்ததால் அவா் மனமுடைந்து காணப்பட்டாராம். மேலும் ஞாயிற்றுக்கிழமை இரவு அவா் கடையிலிருந்து வீட்டுக்குச் செல்லவில்லையாம்.
இதையடுத்து, அவரது உறவினா் திங்கள்கிழமை காலையில் கடைக்குச் சென்று பாா்த்த போது பூட்டிய கடைக்குள் அவா் தூக்கிட்டுத் தற்கொலை செய்து கொண்டது தெரியவந்தது.
இதுகுறித்த தகவலின் பேரில் அங்கு சென்ற சின்னமனூா் காவல் நிலைய போலீஸாா் சதீஷ் உடலை மீட்டு கூறாய்வுக்காக அரசு மருத்துவமனைக்கு அனுப்பி வைத்தனா்.
உறவினா்கள் சாலை மறியல்: இதனிடையே சதீஷூக்கு கடன் தொல்லை அளித்தவா்கள் மீது நடவடிக்கை எடுக்க வலியுறுத்தி உடலை வாங்க மறுத்து அவரது உறவினா்கள் திண்டுக்கல்- குமுளி சாலை, தேனி புறவழிச்சாலை ஆகிய இரு இடங்களில் மறியலில் ஈடுபட்டனா். தகவலறிந்து அங்கு வந்த உத்தமபாளையம் காவல் துணைக் கண்காணிப்பாளா் வெங்கடேசன், சின்னமனூா் காவல் ஆய்வாளா் பாலாண்டி உள்ளிட்ட போலீஸாா், கடன் தொல்லை கொடுத்தவா்கள் மீது உறுதியாக நடவடிக்கை எடுப்பதாகக் கூறியதை அடுத்து உறவினா்கள் மறியலை கைவிட்டு கலைந்து சென்றனா்.
இந்த மறியலால் சின்னமனூரில் திண்டுக்கல்- குமுளி தேசிய நெடுஞ்சாலையில் சுமாா் ஒரு மணி நேரம் போக்குவரத்து பாதிக்கப்பட்டது.
