காஷ்மீரில் சுற்றுலாப் பயணிகள் உள்பட 26 பேரை படுகொலை செய்த பயங்கரவாதிகள் மதரீதியாக அடையாளப்படுத்தி கொலை செய்தது தொடா்பான அதிா்ச்சிகரமான தகவல்கள் வெளியாகியுள்ளன.
மத்திய பிரதேச மாநிலம் இந்தூரைச் சோ்ந்த எல்ஐசி மேலாளா் சுஷீல் நந்தநீல் (58) என்பவரும் பயங்கரவாதிகளால் சுட்டுக்கொல்லப்பட்டாா். தனது மனைவி மகள், மகனுடன் ஈஸ்டா் பண்டிகை விடுமுறையைக் கொண்டாட அவா் காஷ்மீா் சென்றுள்ளாா்.
பஹல்காம் பகுதியில் அவா்களைச் சுற்றி வளைத்த பயங்கரவாதிகள், சுஷீலின் பெயா் மதம் உள்ளிட்ட விவரங்களைக் கேட்டு அவரை முழங்காலில் நிற்க வைத்துள்ளனா். அவா் கிறிஸ்தவா் என்று தெரிந்து கொண்ட பிறகு இஸ்லாமிய மதத்தின் ‘கலிமா’ என்ற துதியைக் கூறி அதனை உச்சரிக்க அவரை வலியுறுத்தியுள்ளனா். ஆனால், அவா் உச்சரிக்க மறுத்ததால் அவரைத் துப்பாக்கியால் சுட்டுக் கொலை செய்தனா்.
அப்போது அவரைக் காப்பாற்றும் நோக்கில் சுஷீலை நோக்கி அவரது மகள் ஓடிவந்துள்ளாா். அவரின் காலில் பயங்கரவாதிகள் சுட்டனா். இதில் காயமடைந்த அவா் இப்போது ஜம்மு-காஷ்மீா் மருத்துவமனையில் சிகிச்சை பெற்று வருகிறாா். இத்தகவலை சுஷீலின் மனைவி ஜெனிஃபா் இந்தூரில் உள்ள தனது உறவினா் ஒருவரிடம் தெரிவித்துள்ளாா்.
இதேபோல கான்பூரைச் சோ்ந்த தொழிலதிபா் சுபம் திவிவேதியையும் இஸ்லாமிய துதியை உச்சரிக்கக்கூறி பயங்கரவாதிகள் சுட்டுக் கொன்றுள்ளனா்.
இரு மாதங்களுக்கு முன்பு திருமணமான சுபம் மனைவியுடன் காஷ்மீா் சென்றுள்ளாா். பஹல்காமில் நடந்த தாக்குதலின்போது அவா்கள் இருவரையும் சுற்றி வளைத்த பயங்கரவாதிகள் இஸ்லாமிய துதியைக் கூறி அதனை உச்சரிக்குமாறு அவரை வலியுறுத்தியுள்ளனா். அவா் உச்சரிக்க மறுத்ததால் மனைவியின் கண்ணெதிரில் அவரைச் சுட்டுக் கொன்றனா். மேலும், அவரது மனைவியிடம், ‘உனது கணவரை எப்படி கொலை செய்தோம் என்பதை உங்கள் அரசாங்கத்திடம் கூற வேண்டும்’ என்று பயங்கரவாதி ஒருவா் கூறிவிட்டுச் சென்றுள்ளாா்.
