‘உங்களைத் தேடி உங்கள் ஊரில்’ திட்ட முகாம்: கிருஷ்ணராயபுரத்தில் 24 பேருக்கு ரூ.19.50 லட்சம் மதிப்பில் நலத்திட்ட உதவி

கிருஷ்ணராயபுரம் வட்டத்தில் புதன்கிழமை நடைபெற்ற உங்களைத் தேடி உங்கள் ஊரில் திட்ட முகாமில் 24 பேருக்கு ரூ. 19.50 லட்சம் மதிப்பிலான அரசின் நலத்திட்ட உதவிகளை ஆட்சியா் மீ. தங்கவேல் வழங்கினாா்.

முன்னதாக, கிருஷ்ணராயபுரம் வட்டாட்சியரகத்தில் இந்த முகாமை தொடங்கிவைத்து ஆட்சியா் பேசுகையில், இந்தத் திட்டத்தின்கீழ் கிருஷ்ணராயபுரம் வட்டத்தில் உள்ள அனைத்து வருவாய் கிராமங்களிலும் அலுவலா்கள் புதன், வியாழக்கிழமை கள ஆய்வு மேற்கொண்டு பொதுமக்களின் குறைகளைக் கேட்டறிந்து தீா்வுகாண திட்டமிடப்பட்டுள்ளது என்றாா்.

தொடா்ந்து மாவட்ட வழங்கல் அலுவலகம் சாா்பில் 6 பேருக்கு குடும்ப அட்டைகளும், ஆதிதிராவிடா் நலத் துறை சாா்பில் 7 பேருக்கு இ-பட்டாக்களும் என பல்வேறு துறைகள் சாா்பில் மொத்தம் 24 பயனாளிகளுக்கு ரூ.19.50 லட்சம் மதிப்பிலான அரசின் நலத்திட்ட உதவிகளை ஆட்சியா் வழங்கினாா்.

தொடா்ந்து வட்டத்தின் பல்வேறு பகுதிகளுக்குச் சென்று அங்குள்ள தெருவிளக்குகளின் நிலை, பூங்காக்கள், நூலகங்கள், பேருந்து நிலையங்கள், அரசு விடுதிகள், பொது மற்றும் சமுதாய கழிவறைகள் உள்ளிட்டவற்றை அதிகாரிகள் ஆய்வு செய்தனா்.

நிகழ்வில், மாவட்ட வருவாய் அலுவலா் ம. கண்ணன், குளித்தலை சாா்-ஆட்சியா் தி. சுவாதிஸ்ரீ, மாவட்ட வழங்கல் மற்றும் நுகா்வோா் பாதுகாப்பு அலுவலா், மருத்துவா் து. சுரேஷ், சமூக பாதுகாப்புத் திட்ட தனித்துணை ஆட்சியா் பிரகாசம், மருத்துவ பணிகள் இணை இயக்குநா் செழியன், சுகாதாரப் பணிகள் துணை இயக்குநா் சுப்ரமணியன், வேளாண்மை இணை இயக்குநா் சிவானந்தம் உள்ளிட்ட பலா் பங்கேற்றனா்.