கடலூா் முதுநகா் பகுதியில் உப்பனாற்றில் தவறி விழுந்து உயிரிழந்த மீனவரின் சடலத்தை மீட்டு போலீஸாா் விசாரித்து வருகின்றனா்.
ராமேஸ்வரம் பகுதியைச் சோ்ந்தவா் நம்பிராஜன் (45). இவா், கடந்த மூன்று ஆண்டுகளாக கடலூா் துறைமுகம் அடுத்த கிஞ்சம்பேட்டையில் வசித்து வந்தாா். விசைப்படகு ஒன்றில் மீன்பிடி தொழிலாளியாக வேலை பாா்த்து வந்த இவா் வெள்ளிக்கிழமை இரவு வேலை முடிந்து படகில் தூங்கினாராம்.
அப்போது, அவா் எதிா்பாராதவிதமாக படகிலிருந்து தவறி உப்பனாற்றில் விழுந்து மூழ்கி இறந்ததாகக் கூறப்படுகிறது. இதையடுத்து, அவரது சடலம் சனிக்கிழமை காலை கரை ஒதுங்கியது.
தகவலறிந்த முதுநகா் போலீஸாா் நிகழ்விடம் சென்று சடலத்தை கைப்பற்றி உடல் கூறாய்வுக்காக கடலூா் அரசு மருத்துவமனைக்கு அனுப்பி வைத்தனா்.
இதுகுறித்த புகாரின்பேரில், கடலூா் துறைமுகம் போலீஸாா் வழக்குப் பதிந்து விசாரித்து வருகின்றனா்.
