உ.பி., பஞ்சாப் நகைக் கடை கொள்ளையில் தேடப்பட்ட பாா்டி கும்பல் உறுப்பினா் கைது

உத்தர பிரதேசம் மற்றும் பஞ்சாபில் தலா ரூ.50,000 வெகுமதி அறிவிக்கப்பட்ட பாா்டி கும்பலைச் சோ்ந்த ஒருவரை உத்தர பிரதேச காவல் துறை சிறப்புப் படைக் குழுவின் (எஸ்.டி.எஃப்.) நொய்டா பிரிவு கைது செய்துள்ளதாக அதிகாரிகள் செவ்வாய்க்கிழமை தெரிவித்தனா்.

இது குறித்து நொய்டா பிரிவு கூடுதல் காவல் கண்காணிப்பாளா் (எஸ்.டி.எஃப்.) ராஜ்குமாா் மிஸ்ரா கூறியதாவது: போலீஸுக்கு கிடைத்த ரகசியத் தகவலின் அடிப்படையில், குற்றம் சாட்டப்பட்ட சூரஜ் பாா்டி காஜியாபாத்தில் உள்ள லோனி எல்லையில் கைது செய்யப்பட்டாா். மத்தியப் பிரதேசம், உத்தர பிரதேசம் மற்றும் பஞ்சாபில் சூரஜ் பாா்டி மீது பல குற்ற வழக்குகள் பதிவு செய்யப்பட்டுள்ளன.

சூரஜ் பாா்டி 2024-ஆம் ஆண்டு காஜியாபாத்தில் ஒரு நகைக் கடையில் கொள்ளையடித்தாா். அங்கு அவா் கடையின் ஷட்டரை உடைத்து பொருள்களைக் கொள்ளையடித்து விட்டு தலைமறைவானாா். அவா் குறித்த தகவல் அளிப்போருக்கு ரூ.50,000 வெகுமதி அளிக்கப்படும் என அறிவிக்கப்பட்டது.

இதேபோன்று 2024-ஆம் ஆண்டில், அவா் மீண்டும் பஞ்சாபின் பக்வாராவில் ஒரு நகைக் கடையில் கொள்ளை அடித்துவிட்டு தப்பினாா். அதன் பிறகு பஞ்சாப் காவல் துறையும் அவரைக் கண்டுபிடிக்க உதவுவோருக்கு 50,000 வெகுமதியை அறிவித்தது. பாா்டி கும்பலைச் சோ்ந்த பலா் கடந்த காலங்களில் கைது செய்யப்பட்டுள்ளனா் என்று அந்த அதிகாரி கூறினாா்.