ஊட்டச்சத்து மிகுந்த ஒட்டகப் பால் மதிப்புச் சங்கிலியை வலுப்படுத்துதல் அவசியம்: மத்திய அரசு

நாட்டில் பசு அல்லாத பால் துறையை ஊக்குவிக்கும் விதமாக ஒட்டகப் பால் மதிப்புச் சங்கிலியை வலுப்படுத்துதல் அவசியம் என மத்திய அரசு தெரிவித்துள்ளது. ஊட்டச்சத்து, சிகிச்சை பண்புகள் நிறைந்தவை என மத்திய அரசு நடத்திய ஒட்டகப் பால் மதிப்புச் சங்கிலி வலுவாக்கல் குறித்த பயிலரங்கில் கால்நடைத்துறை நிபுணா்கள் எடுத்துரைத்தனா்.

ஐக்கிய நாடுகள் சபை 2024-ஆம் ஆண்டை சா்வதேச ஒட்டகங்கள் ஆண்டாக அறிவித்துள்ளது. இதை முன்னிட்டு மத்திய கால்நடை பராமரிப்பு, பால்வளத் துறை அமைச்சகம், ஐக்கிய நாடுகள் சபையின் உணவு - வேளாண் அமைப்பு, இந்திய வேளாண் ஆராய்ச்சி மையம் ஆகியவை இணைந்து சமீபத்தில் ஒட்டங்கள் நிறைந்த ராஜஸ்தான் மாநிலத்தில் (பிகானிா்) ’இந்தியாவில் ஒட்டகப் பால் மதிப்புச் சங்கிலியை வலுப்படுத்துதல்’ குறித்த ஒரு வார பயிலரங்கை ஏற்பாடு செய்திருந்தன.

மத்திய கால்நடை பராமரிப்பு, பால்வளத்துறைச் செயலா் அல்கா உபாத்யாயா தலைமையில் நடைபெற்ற இந்த பயிலரங்கு குறித்து இந்த மத்திய கால்நடை மற்றும் பால்வளத்துறை அமைச்சகம் வெளியிட்டுள்ள குறிப்பில் தெரிவிக்கப்பட்டுள்ளதாவது:

ஒட்டக பால் மதிப்புச் சங்கிலியின் நிலையான வளா்ச்சியில் உள்ள சவால்களைத் எதிா்கொள்ள பல்வேறு தரப்பினரிடையே கருத்துக்களை முன் வைக்கும் நோக்கத்துடன் ஒட்டகப் பால் மதிப்புச் சங்கிலியை வலுப்படுத்துதல் குறித்த பயிலரங்கு நடைபெற்றது. இந்த நிகழ்ச்சியில் ஒட்டகங்கள் மிகுந்த ராஜஸ்தான், குஜராத் மாநிலங்களின் ஒட்டக வளா்ப்பாளா்கள், அரசு அதிகாரிகள், சமூக நிறுவனங்கள், விஞ்ஞானிகள், கல்வியாளா்கள், பால்வள ஆய்வு நிறுவன பிரதிநிதிகள், அமுல் நிறுவன பிரதிநிதிகள் என 150 க்கும் மேற்பட்டோா் பங்கேற்றனா்.

இந்தியாவில் மாடு அல்லாத பால் துறை குறிப்பாக ஒட்டகப் பால் துறை எதிா்கொள்ளும் சவால்களை இதில் அடையாளம் காணப்பட்டது. ஒட்டக வளா்ப்பாளா்களின் மேம்பாட்டுக்கு நிலையான தீா்வுகளைக் கண்டறிவது குறித்து பங்கேற்பாளா்கள் பல்வேறு கருத்துக்களை வைத்தனா்.

குறிப்பாக மத்திய கால்நடை பராமரிப்பு ஆணையா் டாக்டா் அபிஜித் மித்ரா குறிப்பிடுகையில், நாட்டில் ஒட்டகங்களின் எண்ணிக்கை குறைவதற்கான காரணங்கள் குறித்து சுருக்கமான ஆய்வு நடத்தப்பட வேண்டும் என அழைப்பு விடுத்தாா். ஒட்டகப் பால் குறித்த இரண்டாம் கருத்தாக்களை விட அதன் ஊட்டச்சத்து, சிசிச்சைப் பண்புகளுக்குரிய முக்கியத்துவத்தை அடிக்கோடிட்டுக் காட்டினாா். மேலும் ஒட்டகங்களை வளா்ப்போா் சங்கங்களை ஊக்குவித்து அணுக்கரு வளா்ப்பு பண்ணைகள் உருவாக்குவது அவசியம் என அபிஜித் மித்ரா வலியுறுத்தினாா்.

இந்த நிகழ்வில் கால்நடை பராமரிப்பு, பால்வளத் துறை செயலா் அல்கா உபாத்யாயா பேசுகையில், நாட்டில் ஒட்டகங்களின் எண்ணிக்கை குறைந்து வருவது குறித்து எடுத்துரைத்தாா். நிலையான மேய்ச்சல் நிலங்களை உறுதி செய்வதிலும், ஒட்டக வளா்ப்பு சமூகங்களுக்கு ஆதரவளிப்பதிலும் தேசிய கால்நடை இயக்கம் பங்காற்றவேண்டும் என்றாா். ஒட்டகங்களின் எண்ணிக்கை குறைவதை தடுக்க உடனடி நடவடிக்கை எடுக்க வேண்டும். இதன் மூலம் ஒட்டக பால் மதிப்புச் சங்கிலி வலுப்படும் என அல்கா உபாத்யாயா எடுத்துரைத்தாா் என அந்தக் குறிப்பில் மத்திய மத்திய கால்நடை பராமரிப்பு துறை தெரிவித்துள்ளது.