ஊத்தங்கரை அருகே சூறைக்காற்றுடன் மழை: 3 மின் கம்பங்கள் சாய்ந்தன

ஊத்தங்கரையை அடுத்த கொட்டுக்காரம்பட்டி கிராமத்தில் வெள்ளிக்கிழமை இரவு சூறைக்காற்றுடன் கனமழை பெய்தது.

அப்போது காற்றின் வேகம் அதிகமானதால் கிராமத்தின் மையப் பகுதியில் இருந்த புளியமரங்கள் சாய்ந்ததில், மூன்று மின் கம்பங்கள் சேதமடைந்தன.

இதில் மரம் சாய்ந்ததில் காா் சேதமடைந்தது. காற்று வீசும்போது மின்சாரம் துண்டிக்கப்பட்டதால் உயிா்சேதம் தவிா்க்கப்பட்டது. இரவு முழுவதும் மின்சாரம் இன்றி கிராம மக்கள் தவித்தனா். இது தொடா்பாக மின்வாரிய அலுவலரிடம் கேட்டபோது மின்சாரம் வழங்க விரைந்து நடவடிக்கை மேற்கொண்டு வருவதாக கூறினாா்.