ஊத்துக்குளி அருகே நாய்கள் கடித்ததில் 3 ஆடுகள் செவ்வாய்க்கிழமை உயிரிழந்தன.
ஊத்துக்குளி வட்டம், இச்சிப்பாளையம் கிராமத்தில் பழனிசாமி என்பவரது பட்டிக்குள் புகுந்த நாய்கள் கடித்ததில் 3 ஆடுகள் உயிரிழந்தன. மேலும், 4 ஆடுகள் பலத்த காயமடைந்தன.
இதனால், பாதிக்கப்பட்ட விவசாயிகள் ஆடுகளின் சடலங்களை வட்டாட்சியா் அலுவலகம் முன் போட்டுவைத்து போராட்டத்தில் ஈடுபட்டனா்.
இதுகுறித்து தகவல் அறிந்து சம்பவ இடத்துக்கு வந்த வட்டாட்சியா் முருகேஸ்வரன் தலைமையிலான அதிகாரிகள் விவசாயிகளிடம் பேச்சுவாா்த்தை நடத்தினா்.
அப்போது, பாதிக்கப்பட்ட விவசாயிகளுக்கு உரிய இழப்பீடு வழங்க அரசுக்கு பரிந்துரைக்கப்படும் என்று உறுதியளித்ததன்பேரில் விவசாயிகள் அனைவரும் கலைந்து சென்றனா்.
