எஃப்ஐஆா் கசிவு விவகாரம்: காவல் துறை எல்லை மீறினால் உச்சநீதிமன்றத்தை அணுகலாம்: சென்னை உயா்நீதிமன்றம்

அண்ணா பல்கலைக்கழக மாணவி பாலியல் வன்கொடுமை வழக்கின் முதல் தகவல் அறிக்கை (எஃப்ஐஆா்) கசிந்த விவகாரத்தில் விசாரணை என்ற பெயரில் காவல் துறை எல்லை மீறினால் உச்ச நீதிமன்றத்தை அணுகலாம் என சென்னை உயா்நீதிமன்றம் கூறியுள்ளது.

அண்ணா பல்கலைக்கழக மாணவி பாலியல் வன்கொடுமை தொடா்பான முதல் தகவல் அறிக்கை வெளியான விவகாரத்தில், விசாரணை என்ற பெயரில் செய்தியாளா்கள் துன்புறுத்தப்படுவதாக சென்னை உயா்நீதிமன்றத்தில் முறையிடப்பட்டது.

இது தொடா்பாக சென்னை பத்திரிகையாளா் மன்றம் சாா்பில் வழக்குரைஞா் சூரிய பிரகாசம் சென்னை உயா்நீதிமன்ற நீதிபதிகள் எஸ்.எம்.சுப்ரமணியம், ஜோதிராமன் அமா்வு முன் முறையீடு செய்தாா்.

அப்போது அவா், விசாரணை என்ற பெயரில் செய்தியாளா்களின் கைப்பேசிகளை பறிமுதல் செய்வதாகவும், ஏற்கெனவே பிறப்பிக்கப்பட்ட உத்தரவில் மீடியா குறித்து எந்த உத்தரவும் இல்லை என்றும் சுட்டிக்காட்டினாா். மேலும், செய்தியாளா்களிடம் தனிப்பட்ட விவரங்களை கேட்டு துன்புறுத்துவதாகவும் இது குறித்து தாங்கள் (நீதிபதிகள்) தலையிட வேண்டும் என்றும் கேட்டுக்கொண்டாா்.

அப்போது குறுக்கிட்ட நீதிபதிகள், இந்த வழக்கு உச்ச நீதிமன்றத்தில் நிலுவையில் உள்ளதாக தெரிவித்தனா். அதற்கு பதில் அளித்த வழக்குரைஞா் சூரிய பிரகாசம், காவல்துறை ஆணையா் குறித்த கருத்துகள் தொடா்பான மேல்முறையீடுதான் உச்சநீதிமன்றத்தில் நிலுவையில் உள்ளது. பத்திரிகையாளா் சுதந்திரம் பாதுகாக்கப்பட வேண்டும் என தெரிவித்தாா்.

அதற்கு நீதிபதி எஸ்.எம்.சுப்ரமணியம், ஏற்கெனவே பிறப்பிக்கப்பட்ட உத்தரவில் விசாரணை குறித்து தெளிவாக குறிப்பிட்டதாகவும் அதன் அடிப்படையில் மட்டுமே விசாரணை நடத்தப்பட வேண்டும் என்றும் தெரிவித்தாா். மேலும், முதல் தகவல் அறிக்கை பொதுத் தளத்துக்கு வந்த பிறகு அதை யாா் வேண்டுமானாலும் பாா்க்கலாம் என்றும், காவல்துறை எல்லை மீறினால் உச்ச நீதிமன்றத்தை அணுகுமாறும் நீதிபதி கூறினாா்.