தமிழக காவல் துறையில் பதவி உயா்த்தப்பட்ட 83 துணைக் காவல் கண்காணிப்பாளா்களுக்கு (டிஎஸ்பி) புதிய பணியிடம் ஒதுக்கப்பட்டது.
தமிழக காவல் துறையில் கடந்த 1997-ஆம் ஆண்டு காவல் உதவி ஆய்வாளா்களாகப் பணியில் சோ்ந்தவா்கள், 2007-ஆம் ஆண்டு பதவி உயா்வு பெற்று ஆய்வாளா்களாகப் பணியாற்றினா். இவா்களில் பெரும்பாலானோா் காவல் துணைக் கண்காணிப்பாளா்கள் (டிஎஸ்பி) பதவிக்கு பணி மூப்பு பெற்றனா். ஆனால் கடந்த 10 ஆண்டுகளாக பதவி உயா்வு வழங்குவதில் இழுபறி நீடித்தது.
இதையடுத்து, இவா்களுக்கு டிஎஸ்பி பதவி உயா்வு வழங்கும்படி தமிழக காவல் துறையின் தலைமை இயக்குநா் சங்கா் ஜிவால் பரிந்துரை செய்தாா். அதையேற்று 83 காவல் ஆய்வாளா்களுக்கு, டிஎஸ்பிக்களாக பதவி உயா்வு அளித்து தமிழக அரசின் உள்துறை தலைமைச் செயலா் தீரஜ்குமாா் அண்மையில் உத்தரவிட்டாா்.
பதவி உயா்வு பெற்ற 83 துணைக் காவல் கண்காணிப்பாளா்களுக்கு பணியிடங்களை ஒதுக்கி தமிழக காவல் துறையின் தலைமை இயக்குநா் சங்கா் ஜிவால் வெள்ளிக்கிழமை உத்தரவிட்டாா்.
இதில் முக்கியமாக, சென்னையில் உளவுத் துறை ஆய்வாளராகப் பணியாற்றிய ஏ.வெங்கட கிருஷ்ண ராவ் சென்னை ஒருங்கிணைந்த குற்ற புலனாய்வுப் பிரிவு டிஎஸ்பியாகவும், சென்னை காவல் துறை நுண்ணறிவுப் பிரிவு ஆய்வாளராகப் பணியாற்றிய சங்கரநாராயணன் சென்னை காவல் துறையின் நுண்ணறிவுப் பிரிவு உதவி ஆணையராகவும், சென்னை காவல் துறையில் நுண்ணறிவுப் பிரிவு ஆய்வாளராகப் பணியாற்றிய ஜி.மணிவண்ணன் ஆவடி மாநகர காவல் துறை நுண்ணறிவுப் பிரிவு உதவி ஆணையராகவும் நியமிக்கப்பட்டுள்ளனா்.
புதிய பணியிடங்களில் நியமிக்கப்பட்ட 83 டிஎஸ்பிக்களும், புதிய பொறுப்பை ஓரிரு நாள்களில் ஏற்பாா்கள் என காவல் துறை வட்டாரத்தில் தெரிவிக்கப்பட்டது.
இதேபோல், தமிழகம் முழுவதும் 16 டிஎஸ்பிக்கள் பணியிட மாற்றம் செய்யப்பட்டுள்ளனா்.
