2026 சட்டப் பேரவைத் தோ்தலில் வெற்றிபெற்று எம்ஜிஆா், ஜெயலலிதா வழியில் ஆட்சியமைப்போம் என்று முன்னாள் அமைச்சா் கே.ஏ.செங்கோட்டையன் பேசினாா்.
ஈரோடு மாவட்டம், சத்தியமங்கலத்தில் முன்னாள் முதல்வா் ஜெயலலிதா பிறந்த நாள் விழா பொதுக் கூட்டம் பவானிசாகா் எம்எல்ஏ பண்ணாரி தலைமையில் வெள்ளிக்கிழமை நடைபெற்றது.
இதில், முன்னாள் அமைச்சா் கே.ஏ.செங்கோட்டையன் கலந்துகொண்டு பேசியதாவது:
எம்ஜிஆா் தனது ஆட்சிக் காலத்தில் கலை அறிவியல், பொறியியல் மற்றும் வேளாண்மைக் கல்லூரிகளை உருவாக்கினாா். தமிழகத்தில் உயா்கல்வி பெறுவோரின் எண்ணிக்கை உயா்ந்திருக்கிறது என்றால் அதற்கு வித்திட்டவா் எம்ஜிஆா்.
2026 சட்டப் பேரவைத் தோ்தலில் வெற்றிபெற்று எம்ஜிஆா், ஜெயலலிதா வழியில் ஆட்சியமைப்போம் என்றாா்.
நிகழ்ச்சியில் கொமாரபாளையம் ஊராட்சி முன்னாள் தலைவா் எஸ்.எம்.சரவணன், ஒன்றியச் செயலாளா் சி.என்.மாரப்பன், மாவட்ட முன்னாள் கவுன்சிலா் பிரபாகரன், சத்தி நகரச் செயலாளா் ஓ.எம்.சுப்பிரமணியம் உள்ளிட்ட பலா் கலந்துகொண்டனா்.
