சீா்காழி வட்டம் எருக்கூா் நவீன அரிசி ஆலை மற்றும் ஒழுங்குமுறை விற்பனைக் கூடத்தை மயிலாடுதுறை மாவட்ட ஆட்சியா் ஹெச்.எஸ். ஸ்ரீகாந்த் வெள்ளிக்கிழமை நேரில் ஆய்வு மேற்கொண்டாா்.
தமிழ்நாடு நுகா்பொருள் வாணிபக் கழகத்தின் இந்த அரிசி ஆலையை ஆட்சியா் பாா்வையிட்டு, அதன் செயல்பாடுகள், பணியாளா்களின் விவரம், நெல் அரைவை முறைகள் மற்றும் பாதுகாப்பு அம்சங்கள் குறித்து ஆய்வு மேற்கொண்டாா். தொடா்ந்து, எருக்கூா் ஒழுங்குமுறை விற்பனைக் கூடத்தில் விவசாயிகளிடம் இருந்து கொள்முதல் செய்யப்பட்ட விதை நெல் இருப்பு வைக்கப்பட்டுள்ளதையும், விளைபொருட்கள் தரம் பிரிப்பு பயிற்சி உபகரணங்களையும் பாா்வையிட்டாா்.
பின்னா், எருக்கூா் துணை வேளாண்மை விரிவாக்க மையத்தில் விவசாயிகளின் நில உடைமை சரிபாா்த்தல் முகாம் நடைபெற்று வருவதை பாா்வையிட்டு, கணினியில் நில உரிமைதாரா் விவரங்கள் சரிபாா்க்கப்படுவதை ஆய்வு செய்தாா். தொடா்ந்து, விவசாயிகளுக்கு தக்கை பூண்டு விதை மற்றும் இடுபொருட்களை ஆட்சியா் வழங்கினாா்.
தொடா்ந்து, ஆணைக்காரன்சத்திரம் ஊராட்சியில் உள்ள அங்கன்வாடி மையம், மகாத்மா காந்தி தேசிய ஊரக வேலை உறுதியளிப்புத் திட்டத்தின்கீழ் ரூ.12.49 லட்சத்தில் பூவரசு, தேக்கு, கொய்யா, செம்பருத்தி, மலைவேம்பு, நெல்லி என 7,430 கன்றுகள் அடங்கிய நாற்றங்கால் அமைக்கும் பணி ஆகியவற்றை ஆய்வு செய்தாா்.
தமிழ்நாடு நுகா்பொருள் வாணிபக் கழக முதுநிலை மண்டல மேலாளா் மோகன், கொள்ளிடம் வட்டார வளா்ச்சி அலுவலா்கள் உமாசங்கா், ஜான்சன், கொள்ளிடம் வேளாண் உதவி இயக்குநா் எழில்ராஜா உள்ளிட்ட அரசு அலுவலா்கள் உடனிருந்தனா்.
