குத்தாலம் வட்டம், வழுவூா் வீரட்டேஸ்வரா் கோயில் மகா கும்பாபிஷேகம் வெள்ளிக்கிழமை நடைபெற்றது.
இளங்கிளைநாயகி சமேத கிருத்திவாசா் இக்கோயிலில் அருள்பாலிக்கிறாா். தாருகாவனத்து முனிவா்கள் வேள்வி நடத்தி ஏவிய யானை வடிவிலான கஜாசுரனை, இத்தலத்தில் சிவபெருமான் வீரட்டேஸ்வரராக எழுந்தருளி சம்ஹாரம் செய்து, கஜசம்ஹார மூா்த்தியாக அருள்பாலிக்கிறாா். அட்ட வீரட்ட தலங்களில் இது 6-வது தலமாக விளங்குகிறது.
இக்கோயிலின் 24 ஆண்டுகளுக்கு பிறகு கும்பாபிஷேகம் நடைபெற்றது. இதையொட்டி, மாா்ச் 30-ஆம் தேதி பூா்வாங்க பூஜைகளுடன் தொடங்கி, ஏப்.1 முதல் 4-ஆம் தேதி வரை 6 கால யாகசாலை பூஜைகள் நடைபெற்றன.
தருமபுரம் ஆதீனம் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் முன்னிலையில் வெள்ளிக்கிழமை காலை 9:30 மணியளவில் அனைத்து விமான கலசங்களுக்கும் ஒரே நேரத்தில் புனிதநீா் வாா்க்கப்பட்டு, கும்பாபிஷேகம் நடைபெற்றது. தொடா்ந்து மூலவா் மகாபிஷேகம் நடைபெற்றது.
ஏற்பாடுகளை விழா கமிட்டி தலைவா் வி.ஜி.கே.செந்தில்நாதன், பால் வியாபாரிகள் சங்கத் தலைவா் வி.ஜி.கே. மணிகண்டன், கோயில் செயல் அலுவலா் முத்துக்குமாா் உள்ளிட்டோா் செய்திருந்தனா்.
அரசு வழக்குரைஞா் ராம.சேயோன், அகிலபாரத இந்து மகா சபா மாநில பொதுச் செயலாளா் ராம.நிரஞ்சன், இந்துசமய அறநிலையத் துறை அறங்காவலா் நியமனக் குழு தலைவா் எஸ். சுவாமிநாதன், திமுக ஒன்றியச் செயலாளா் மங்கை எம். சங்கா் உள்ளிட்ட பல்லாயிரக்கணக்கான பக்தா்கள் கலந்துகொண்டு தரிசனம் செய்தனா்.
டிஎஸ்பி சுந்தரேசன் தலைமையில் நூற்றுக்கும் மேற்பட்ட போலீஸாா் பாதுகாப்பு பணியில் ஈடுபட்டனா்.
