சென்னை: தயார் நிலையில் 35 மின்சாரப் பேருந்துகள்; 20 இடங்களில் சார்ஜிங் மையங்கள் ...
பொதுத் துறையைச் சோ்ந்த இந்தியாவின் மிகப் பெரிய வங்கியான பாரத ஸ்டேட் வங்கியின் (எஸ்பிஐ) நிகர லாபம் கடந்த மாா்ச் காலாண்டில் ரூ.19,600 கோடியாகச் சரிந்துள்ளது.
இது குறித்து வங்கி வெளியிட்டுள்ள அறிக்கையில் தெரிவிக்கப்பட்டுள்ளதாவது:
கடந்த ஜனவரி முதல் மாா்ச் வரையிலான 2024-25-ஆம் நிதியாண்டின் நான்காவது காலாண்டில் வங்கியின் நிகர லாபம் ரூ.19,600 கோடியாக உள்ளது.
முந்தைய 2023-24-ஆம் நிதியாண்டின் இதே காலாண்டோடு ஒப்பிடுகையில் இது 8.34 சதவீதம் குறைவு. அப்போது வங்கி ரூ.21,384 கோடி நிகர லாபம் ஈட்டியிருந்தது.
முந்தைய 2023-24-ஆம் நிதியாண்டின் மாா்ச் காலாண்டில் ரூ.1,64,914 கோடியாக இருந்த வங்கியின் மொத்த வருவாய் கடந்த நிதியாண்டின் அதே காலாண்டில் ரூ.1,79,562 கோடியாக அதிகரித்துள்ளது என்று அந்த அறிக்கையில் குறிப்பிடப்பட்டுள்ளது.
