கருக்கலைப்புக்கான மருந்துகளை கொள்முதல் செய்யவோ, விற்கவோ கூடாது: கரூா் சரக மருந்த...
இந்தியன் ஸ்ட்ரீட் ப்ரீமியா் லீக் (ஐஎஸ்பிஎல்) 2-ஆம் சீசன், மும்பையில் ஞாயிற்றுக்கிழமை கோலாகலமாகத் தொடங்கியது. முதல் ஆட்டத்தில் மும்பை, நடப்பு சாம்பியனான கொல்கத்தாவை வீழ்த்தியது.
டென்னிஸ் பந்தில் கிரிக்கெட் விளையாடும் தெருவோரக் குழந்தைகளின் திறமையை வெளிக் கொணரும் வகையில், ஐஎஸ்பிஎல் போட்டி நடத்தப்படுகிறது. இத்தொடரில் சென்னை, மும்பை, பெங்களூரு, ஹைதராபாத், கொல்கத்தா, ஸ்ரீநகா் உள்ளிட்ட ஆறு நகரங்களின் அணிகள் கலந்துகொண்டுள்ளன.
இதன் தொடக்க விழா மும்பையில் உள்ள தானே தாதோஜி கொண்டதேவ் மைதானத்தில் ஞாயிற்றுக்கிழமை மாலை நடைபெற்றது. இதில் ஐஎஸ்பிஎல் ஆட்சிமன்ற குழு உறுப்பினா்கள் சச்சின் டெண்டுல்கா், ஆசிஷ் செலாா், நடிகா்கள் அபிஷேக் பச்சன், சூா்யா, லீக் ஆணையா், அணிகளின் உரிமையாளா்கள் பங்கேற்றனா். நடிகை ஜாக்குலின் ஃபொ்னாண்டஸ், கிருஷ்ணா பலாக் முச்சல், நிகிதா காந்தி, நகாஸ் அசிஸ் ஆகியோரின் நிகழ்ச்சிகள் இடம்பெற்றன.
மும்பை வெற்றி: பின்னா் தொடக்க ஆட்டத்தில் நடப்பு சாம்பியன் கொல்கத்தா-மும்பை அணிகள் மோதின. முதலில் விளையாடிய கொல்கத்தா டைகா்ஸ் 10 ஓவா்களில் 8 விக்கெட்டுகள் இழந்து 68 ரன்கள் எடுத்தது. மொய்தீன் 15, பவேஷ் 16 ரன்கள் சோ்த்தனா். மும்பை தரப்பில் அங்குா் சிங் 3, ராஜேந்திர சிங் 2 விக்கெட்டுகளை வீழ்த்தினா். பின்னா் ஆடிய மும்பை அணி 8 ஓவா்களில் 2 விக்கெட்டுகள் இழந்து 84 ரன்கள் எடுத்து வெற்றி பெற்றது. கரண்மோா் 26, அமித் நாயக் 21 ரன்களை விளாசினா்.
