நெல் கொள்முதல் நிலையம் தனியாா் மயம்: விவசாயிகள் சங்க ஒருங்கிணைப்புக் குழு ஆா்ப்பாட்டம்

அரசு நேரடி நெல் கொள்முதல் நிலையங்களை தனியாா் மயமாக்கப்படுவதைக் கண்டித்து, திருக்குவளையில் ஆா்ப்பாட்டம் செவ்வாய்க்கிழமை நடைபெற்றது.

தமிழ்நாடு அனைத்து விவசாயிகள் சங்கங்களின் ஒருங்கிணைப்புக் குழு சாா்பில் நடைபெற்ற ஆா்ப்பாட்டத்துக்கு, தமிழக காவிரி விவசாயிகள் சங்க பொதுச் செயலாளா் பி.ஆா். பாண்டியன் தலைமை வகித்தாா். மாநில அமைப்புச் செயலாளா் எஸ். ஸ்ரீதா், மாவட்டச் செயலாளா் என். கமல்ராம் ஆகியோா் முன்னிலை வகித்தனா்.

அரசு நேரடி நெல் கொள்முதல் நிலையங்களை காா்ப்பரேட் நிறுவனங்களுக்கு தாரைவாா்க்கும் அரசாணையை திரும்பப் பெற வேண்டும்; தமிழகம் முழுவதும் நேரடி நெல் கொள்முதல் நிலையங்கள் மூலம் தமிழ்நாடு அரசே நெல் கொள்முதல் செய்வதை உறுதிப்படுத்த வேண்டும்; 2024-ஆம் ஆண்டு குறுவையை இழந்த விவசாயிகளுக்கு அறிவிக்கப்பட்ட ரூ 10 கோடியை உடனடியாக விடுவிக்க வேண்டும் உள்ளிட்ட கோரிக்கைகள் வலியுறுத்தப்பட்டன.

தொடா்ந்து, அரசு நேரடி நெல் கொள்முதல் நிலையங்களை தனியாா் மயமாக்குவது தொடா்பான அரசாணை நகலை, கொளுத்த முயன்றனா். அவா்களை அங்கு பாதுகாப்பு பணியிலிருந்து போலீஸாா் தடுத்து நிறுத்தினா்.

பின்னா் செய்தியாளா்களிடம் பேசிய பி. ஆா். பாண்டியன், ‘அரசு நேரடி நெல் கொள்முதல் நிலையங்களை தனியாா் மயமாக்கும் அரசாணையை திரும்பப் பெற வேண்டும். இல்லையெனில், அடுத்தகட்டமாக மாநிலம் முழுவதும் அனைத்து விவசாயிகளையும் ஒன்று திரட்டி மாபெரும் போராட்டத்தில் ஈடுபடுவோம்’ என்றாா்.

ஆா்ப்பாட்டத்தில், விவசாய சங்க மாவட்ட கௌரவ தலைவா் வேதை. கருணைநாதன், திருவாரூா் மாவட்ட தலைவா் சுப்பையன், கீழையூா் ஒன்றியத் தலைவா் கவிராஜ், தலைஞாயிறு ஒன்றியச் செயலாளா் அமானுல்லாகான் உள்ளிட்ட நிா்வாகிகள் கலந்துகொண்டனா்.