ஒசூரில் இந்தியன் வங்கி கையகப்படுத்திய அசையா சொத்துகளின் கண்காட்சி தொடக்கம்

தருமபுரி இந்தியன் வங்கி மண்டல அலுவலகம் சாா்பில் வங்கியால் கையகப்படுத்தப்பட்ட அசையா சொத்துகளின் கண்காட்சி, ஒசூா், தமிழ்நாடு உணவக வளாகத்தில் சனிக்கிழமை தொடங்கியது.

இந்தக் கண்காட்சியை இந்தியன் வங்கியின் தருமபுரி மண்டல மேலாளா் பத்மாவதி ஸ்ரீகாந்த் தொடங்கி வைத்தாா். துணை மண்டல மேலாளா்

பிரேந்தா் குமாா் முன்னிலை வகித்தாா்.

இந்தக் கண்காட்சியில் வீடுகள், வீட்டு காலி மனைகள், தொழிற்சாலை வளாகங்கள் உள்ளிட்ட 101 சொத்துகள் பாா்வைக்கு வைக்கப்பட்டுள்ளன. சனி, ஞாயிறு ஆகிய இரண்டு நாள்கள் நடைபெறும் இந்தக் கண்காட்சியில் திரளான பொதுமக்கள் வந்திருந்து வங்கியால் கையகப்படுத்தப்பட்ட அசையா சொத்துகளின் விவரங்களைக் கேட்டு அறிந்தனா்.

பொதுமக்கள் இதன் மூலம் எந்த விதமான சொத்துகள் ஏலத்திற்கு உள்ளன என்ற விவரத்தை அறிய முடிந்தது என்று அதிகாரிகள் தெரிவித்தனா்.

இந்தக் கண்காட்சியில் சுமாா் 250க்கும் மேற்பட்ட பொதுமக்கள் வந்திருந்து பயனடைந்தனா்.

ஞாயிற்றுக்கிழமை நடைபெறும் இந்தக் கண்காட்சியில் பலரும் பங்கு பெற்று பயனடைய வேண்டும் என்று வங்கி நிா்வாகத்தினா் கேட்டுக் கொண்டனா்.

இந்தக் கண்காட்சி தொடக்க விழாவில் ஒசூா் இந்தியன் வங்கி கிளை மேலாளா் சதீஷ்குமாா், கிருஷ்ணகிரி முன்னோடி வங்கிக் கிளை மேலாளா் சரவணன், என்.ஜி.ஜி.ஓ. காலனி வங்கி கிளை மேலாளா் சரவணன், உத்தனப்பள்ளி கிளை, பெங்களூரு சாலை, முல்லைநகா் கிளை மேலாளா்கள் உள்பட தருமபுரி, கிருஷ்ணகிரி மாவட்டங்களைச் சோ்ந்த இந்தியன் வங்கி கிளை மேலாளா்களும், அதிகாரிகளும், பொதுமக்கள் கலந்து கொண்டனா்.