ஒன்ஸ் மோர் முதல் பாடல்!

நடிகர் அர்ஜுன் தாஸ் நடிகை அதிதி ஷங்கர் இணைந்து நடித்த ‘ஒன்ஸ்மோர்’ திரைப்படத்தின் முதல் பாடல் வெளியாகியுள்ளது.

அறிமுக இயக்குநர் விக்னேஷ் ஸ்ரீகாந்த் இயக்கியுள்ள ஒன்ஸ் மோர் திரைப்படம் இன்றைய கால இளைஞர்களின் காதலைப் பேசும் படமாக உருவாகியுள்ளது. நாயகனாக அர்ஜுன் தாஸும் நாயகியாக அதிதி ஷங்கரும் நடித்துள்ளனர்.

இப்படத்தை குட் நைட் மற்றும் லவ்வர் திரைப்படத்தைத் தயாரித்த பில்லியன் டாலர் ஸ்டுடியோஸ் நிறுவனம் தயாரித்துள்ளது.

இதையும் படிக்க: இளையராஜா குரலில் தினம் தினமும் பாடல்!

படத்தின் டீசர் வெளியாகி கவனம் பெற்ற நிலையில் தற்போது முதல் பாடலை வெளியிட்டுள்ளனர். விக்னேஷ் ஸ்ரீகாந்த் எழுதிய ’இதயம்’ எனத் துவங்கும் இப்பாடலுக்கு இசையமைப்பாளர் ஹெஷேம் அப்துல் வஹாப் (ஹிருதயம், குஷி) இசையமைத்துள்ளார்.