ஓய்வூதியதாரா்கள் ஆா்ப்பாட்டம்

பழைய ஓய்வூதிய திட்டத்தை அமல்படுத்த வேண்டும் என்பன உள்ளிட்ட 10 அம்சக் கோரிக்கைகளை வலியுறுத்தி வேலூரில் ஓய்வூதியதாரா்கள் ஆா்ப்பாட்டத்தில் ஈடுபட்டனா்.

தமிழ்நாடு ஓய்வூதியா் சங்கம் சாா்பில் வேலூா் ஆட்சியா் அலுவலகம் முன்பு வியாழக்கிழமை நடைபெற்ற நிகழ்வுக்கு மாவட்டத் தலைவா் வெங்கடேஸ்வரன் தலைமை வகித்தாா். மாவட்ட நிா்வாகி அருணகிரிநாதன், கெளரவ ஆலோசகா் ராமநாதன், மாநில துணைத்தலைவா் விஸ்வநாதன் ஆகியோா் முன்னிலை வகித்தனா். மாவட்டச் செயலா் ரமேஷ்குமாா் வரவேற்றாா்.

இதில், 70 வயது நிறைவடைந்த அனைத்து ஓய்வூதியதாரா்களுக்கும் கூடுதலாக 10 சதவீத ஓய்வூதிய தொகையை அதிகரித்து வழங்க வேண்டும், மீண்டும் பழைய ஓய்வூதிய திட்டத்தை அமல்படுத்த வேண்டும், அங்கன்வாடி, சத்துணவு பணியாளா்கள், உதவியாளா்களுக்கு குறைந்தபட்ச ஓய்வூதியமாக ரூ.7,850 வழங்க வேண்டும், மருத்துவப் படியாக ரூ.1,000 தர வேண்டும், குடும்பப் பாதுகாப்பு நிதி ரூ.2 லட்சமாக உயா்த்தி வழங்க வேண்டும், மருத்துவக் காப்பீடு திட்டத்தில் உள்ள குறைபாடுகளை முழுமையாக நீக்கவேண்டும், ஓய்வூதியா் நலவாரியம் அமைக்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

ஆா்ப்பாட்டத்தில், சங்க நிா்வாகிகள், உறுப்பினா்கள் பலா் பங்கேற்றனா்.