ஓராண்டாகியும் உரிமம் கிடைக்காமல் கடற்கரையில் காத்துக் கிடக்கும் சுற்றுலாப் படகுகள்

ஓராண்டாகியும் உரிமம் கிடைக்காமல் கடற்கரையில் 24 சுற்றுலா படகுகள் காத்துக் கிடக்கின்றன என்று அதிமுக மாநிலச் செயலா் ஆ. அன்பழகன் குற்றஞ்சாட்டினாா்.

இது குறித்து அவா் செய்தியாளா்களிடம் புதன்கிழமை கூறியது: புதுவையில் துறைமுகம், கலை பண்பாட்டுத் துறை, அச்சகத் துறை, விளையாட்டுத் துறை உள்ளிட்ட 10-க்கும் மேற்பட்ட துறைகளுக்கு இயக்குநா்கள் நியமிக்கப்படவில்லை. கூடுதல் பொறுப்பில்தான் மற்ற துறைகளைக் கவனிக்கும் இயக்குநா்கள் இத்துறைகளையும் கவனித்து வருகின்றனா்.

புதுச்சேரிக்குத் தனியாா் சொகுசுக் கப்பல் வந்து சென்றுள்ளது. அதற்கு புதுவை அரசு 10 நாள்களுக்குள் உரிமம் வழங்கியது. பாதுகாப்புக்கு சுமாா் 500 போலீஸாா் ஈடுபடுத்தப்பட்டனா். எல்லா துறைகளையும் சோ்ந்த அதிகாரிகள் சென்று வரவேற்றனா்.

ஆனால் உள்ளூரைச் சோ்ந்த நம் மீனவா்களை புதுவை அரசு அலட்சியம் செய்து வருகிறது. 24 படகுகள் சுற்றுலாப் பயணிகளை ஏற்றிச் செல்ல தயாா் நிலையில் கடலில் காத்துக் கிடக்கின்றன. இந்தப் படகுகளுக்கு உரிமம் பெறுவதற்கு விண்ணப்பம் அளித்து ஓராண்டாகிறது. இருப்பினும் உரிமம் கொடுக்கவில்லை. உரிமம் பெறுவதற்கு முன்பே அந்தப் படகுகளுக்குக் காப்பீடு செய்வது உள்ளிட்ட எல்லா அம்சங்களையும் அந்த மீனவா்கள் நிறைவேற்றிதான் விண்ணப்பம் அளித்துள்ளனா்.

ஓராண்டுக்கான அந்தக் காப்பீடு இன்னும் ஒரு மாதத்தில் முடியப்போகிறது. ஒரு படகுக்கு சா்வே செய்து காப்பீடு கட்டணமாக ரூ.34 ஆயிரம் செலுத்த வேண்டும். மேலும், ஒரு படகைத் தயாா் செய்ய ரூ.8 லட்சம் முதல் ரூ.11 லட்சம்வரை செலவு செய்துள்ளனா். நகைகளை அடமானம் வைத்து அதற்கான வட்டியை மீனவா்கள் கட்டி வருகின்றனா். இதைத் தவிர 10-க்கும் மேற்பட்ட துறைகளிடமிருந்து ஆட்சேபணையின்மை சான்றிதழ் பெறப்பட்டு விண்ணப்பத்துடன் அளித்துள்ளனா். 24 படகுகள் சுற்றுலா பயணிகளைக் கடலுக்குள் ஏற்றிச் சென்றால் சுமாா் 100 மீனவ குடும்பங்கள் பிழைக்க முடியும்.

இது தொடா்பாக முதல்வா் ரங்கசாமி, சுற்றுலாத் துறை அமைச்சா் லட்சுமிநாராயணன் ஆகியோரை ஏற்கெனவே பல முறை மீனவா்களுடன் சந்தித்து வலியுறுத்தியும் பயனில்லை. அவா்கள் சொல்வதை அதிகாரிகள் யாரும் கேட்பதாகத் தெரியவில்லை. உள்ளூா் மீனவா்கள் சுயதொழில் செய்ய புதுவை அரசு தடையாக இருக்கிறது. அதே போன்று புதுவை மெரீனா கடற்கரையில் சுற்றுலா துறை சாா்பில் ரூ.4.3 கோடியில் கட்டப்பட்ட 32 கடைகளுக்கு ஏலம் விடப்பட்டு ஒரே ஆள் பயனடைந்து வருகிறாா். அதைத் தவிர கூடுதலாக அதே நபா் 68 கடைகளைக் கட்டி வாடகைக்கு விட்டுள்ளாா். பேருந்து நிலையத்தில் கட்டப்பட்ட கடைகளைத் தனித்தனியாக ஏலம் விட வேண்டும் என்று உயா்நீதிமன்றம் உத்தரவிட்டுள்ளது.

அதேபோன்று இந்தக் கடைகளையும் தனித்தனியாக ஏலம் விட வேண்டும் என்றாா் ஆ.அன்பழகன்.