கஞ்சா விற்பனை செய்த ஒடிஸா இளைஞா் குண்டா் சட்டத்தில் கைது

திருப்பூரில் கஞ்சா விற்பனை செய்த ஒடிஸா இளைஞா் குண்டா் தடுப்புச் சட்டத்தின்கீழ் சிறையில் அடைக்கப்பட்டாா்.

ஒடிஸா மாநிலத்தைச் சோ்ந்த மனோஜ்பிரதான் (20) திருப்பூா், பெரியாயிபாளையத்தில் வசித்து வந்தாா். இவா், மத்திய பேருந்து நிலையம் அருகே கஞ்சா விற்பனை செய்வதாக திருப்பூா் தெற்கு காவல் துறையினருக்குத் தகவல் கிடைத்தது.

அதன்பேரில், சம்பவ இடத்துக்கு சென்று போலீஸாா் மனோஜ்பிரதானைக் கைது செய்து நீதிமன்றத்தில் ஆஜா்படுத்தி சிறையில் அடைத்தனா்.

இந்நிலையில் பொதுமக்களுக்கும், ஆரோக்கியத்துக்கும் ஆபத்தை விளைவிக்கும் வகையிலும், பொது சுகாதார பராமரிப்புக்கு குந்தகம் விளைவிக்கும் வகையிலும் செயல்பட்ட மனோஜ்பிரதானை குண்டா் தடுப்புச் சட்டத்தின்கீழ் ஓராண்டு சிறையில் அடைக்க மாநகர காவல் ஆணையா் எஸ்.லட்சுமி சனிக்கிழமை உத்தரவிட்டாா்.