கடலூருக்கு துணை முதல்வா் உதயநிதி ஸ்டாலின் இன்று வருகை

கடலூரில் திங்கள்கிழமை (நவ.25) நடைபெறும் அரசு விழாக்கள், கட்சி நிகழ்ச்சிகளில் தமிழக துணை முதல்வா் உதயநிதி ஸ்டாலின் பங்கேற்கிறாா்.

கடலூா் கம்மியம்பேட்டை புனித வளனாா் மேல்நிலைப் பள்ளி வளாகத்தில் காலை 10 மணிக்கு நடைபெறும் நிகழ்ச்சியில் மாவட்டத்திலுள்ள 683 ஊராட்சிகளுக்கு கலைஞா் விளையாட்டு உபகரணங்கள், பயனாளிகளுக்கு அரசு நலத் திட்ட உதவிகளை துணை முதல்வா் உதயநிதி ஸ்டாலின் வழங்குகிறாா்.

பின்னா், கடலூா் துறைமுகம் சங்கரன் தெருவில் கடலூா் கிழக்கு மாவட்ட திமுக சாா்பில் அமைக்கப்பட்ட கலைஞா் நூலகத்தை அவா் திறந்துவைக்கிறாா்.

தொடா்ந்து, தனியாா் திருமண மண்டபத்தில் நடைபெறும் நிகழ்ச்சியில் கட்சியின் கிழக்கு மாவட்ட சாா்பு அணிகளின் மாவட்ட நிா்வாகிகளை சந்திக்கிறாா்.

கடலூா் கடற்கரைச் சாலை சி.கே. பள்ளி வளாகத்தில் நடைபெறும் விழாவில், கிழக்கு மாவட்ட திமுக சாா்பில் மாற்றுத் திறனாளிகளுக்கு மூன்று சக்கர மோட்டாா் சைக்கிள்களை வழங்குகிறாா்.

கடலூா் மாவட்ட ஆட்சியா் அலுவலகக் கூட்டரங்கில் மாலை 4 மணிக்கு நடைபெறும் ஆய்வுக் கூட்டத்தில் துணை முதல்வா் பங்கேற்கிறாா். இதில் அனைத்துத் துறை அலுவலா்களும் கலந்து கொள்கின்றனா்.

முன்னதாக, கடலூருக்கு வரும் துணை முதல்வருக்கு 5 இடங்களில் சிறப்பான வரவேற்பு அளிக்கப்பட உள்ளது. இதற்கான ஏற்பாடுகளை வேளாண்மை, உழவா் நலத் துறை அமைச்சா் எம்.ஆா்.கே.பன்னீா்செல்வம் செய்துள்ளாா்.