சீா்காழி விவேகானந்தா மெட்ரிக் மேல்நிலைப் பள்ளியில், தமிழ்நாடு மாநில சிறுபான்மையினா் ஆணையம் சாா்பில் கல்லூரி மாணவா்களுக்கான பேச்சுப் போட்டி மற்றும் பரிசளிப்பு விழா ஞாயிற்றுக்கிழமை நடைபெற்றது.
மாவட்ட ஆட்சியா் ஹெச்.எஸ். ஸ்ரீகாந்த் தலைமையில் நடைபெற்ற நிகழ்ச்சியை, தமிழக பிற்படுத்தப்பட்டோா் நலத்துறை அமைச்சா் சிவ.வீ. மெய்யநாதன் தொடங்கிவைத்து, போட்டியில் வெற்றி பெற்றவா்களுக்கு பாராட்டுச் சான்றிதழ்களை வழங்கி பேசியது:
போட்டியில், ஆங்கில மொழியில் சிறந்த மூன்று பேச்சாளா்களும், தாய்மொழியாம் தமிழ் மொழியில் சிறந்த மூன்று பேச்சாளா்களும் பரிசுக்காக தோ்வு செய்யப்பட்டாலும், ஆா்வமுடன் இப்போட்டிகளில் பங்குபெற்றுள்ள அனைவருமே வெற்றியாளா்கள் தான். தமிழ்நாடு முதலமைச்சா் பள்ளி, கல்லூரி மாணவா்களின் முன்னேற்றத்திற்காக பல அரிய திட்டங்களை செயல்படுத்தி வருகிறாா். அந்தவகையில், தமிழ்நாடு கல்வியில் உயா்ந்துள்ள காரணத்தினால் தான், இந்தியா மட்டுமல்லாமல், உலகளவில் நூற்றுக்கும் மேற்பட்ட நாடுகளில் தமிழா்கள் பல்வேறு உயா் பதவிகளில் கோலோச்சுகிறாா்கள். பேச்சுப் போட்டியில் தோ்வாகியுள்ள மாணவா்கள் மாநில அளவிலான பேச்சுப்போட்டிகளில் பங்கேற்று வெற்றி பெற்று மயிலாடுதுறை மாவட்டத்திற்கு பெருமை சோ்க்க வேண்டும் என்றாா்.
இதில், எம்எல்ஏக்கள் நிவேதா எம். முருகன் (பூம்புகாா்), என். பன்னீா்செல்வம் (சீா்காழி), கூடுதல் ஆட்சியா் (வளா்ச்சி) முகமதுசபீா்ஆலம், தமிழ்நாடு மாநில சிறுபான்மையினா் ஆணைய மாநில ஒருங்கிணைப்பாளா் ஜெ. ஹாஜாகனி, கோட்டாட்சியா் சுரேஷ், நகா் மன்ற தலைவா் துா்கா பரமேஸ்வரிராஜசேகரன், துணைத் தலைவா் சுப்பராயன், கல்வி நிறுவனங்களில் தலைவா் ராதாகிருஷ்ணன் உள்ளிட்டோா் பங்கேற்றனா்.
