சிவாஜி இல்லத்தின் உரிமையாளர் பிரபுதான்! ஜப்தி உத்தரவு ரத்து!
அடுத்த மூன்று கல்வியாண்டுகளுக்கான கல்விக் கட்டணத்தை உயா்த்த விரும்பும் தனியாா் பள்ளிகள் அதற்காக மே 15 வரை விண்ணப்பிக்கலாம் என அறிவுறுத்தப்பட்டுள்ளது.
தமிழகத்தில் தனியாா் பள்ளிகள் இயக்குநரகத்தின் கீழ் 12 ஆயிரத்துக்கும் அதிகமான தனியாா் பள்ளிகள் இயங்கி வருகின்றன. இவற்றுக்கான கல்விக் கட்டணத்தை முறைப்படுத்துவதற்காக, உயா்நீதிமன்ற உத்தரவின்படி பள்ளிக் கல்வித் துறை சாா்பில் கல்விக் கட்டண நிா்ணயக்குழு அமைக்கப்பட்டுள்ளது.
இதன் தலைவராக ஓய்வுபெற்ற நீதிபதி ஆா்.பாலசுப்ரமணியன் தற்போது பதவியில் இருக்கிறாா். இக்குழு சாா்பில் தனியாா் பள்ளிகளில் இருக்கும் கட்டமைப்பு வசதிகள் அடிப்படையில், கல்விக் கட்டணம் 3 ஆண்டுகளுக்கு ஒருமுறை நிா்ணயிக்கப்பட்டு வருகிறது.
அதன்படி, அடுத்து வரவுள்ள 2025-26, 2026-27, 2027-28 ஆகிய 3 கல்வியாண்டுகளுக்கான கல்விக் கட்டணம் நிா்ணயம் செய்யப்படவுள்ளன. இதற்கான பரிந்துரை விண்ணப்பங்களை பல்வேறு தனியாா் பள்ளிகள் அனுப்பி வருகின்றன.
அந்த வகையில், இதுவரை ஆயிரத்துக்கும் மேற்பட்ட பள்ளிகள் விண்ணப்பித்துள்ளதாகக் கூறப்படுகிறது. இதற்கு விண்ணப்பிக்கும் கால அவகாசம் மே 15-ஆம் தேதியுடன் நிறைவு பெறுகிறது. கல்விக் கட்டணத்தை உயா்த்த விரும்பும் பள்ளிகள் மட்டும் இணையதளத்தில் விண்ணப்பிக்க வேண்டும்.
அதேநேரம் கட்டண உயா்வு தேவைப்படாத பள்ளிகள் விண்ணப்பத்தை சமா்ப்பிக்க வேண்டாம். மேலும், பள்ளிகள் விண்ணப்பிக்கும்போது மாணவா்ஆசிரியா் எண்ணிக்கை, ஊழியா்கள் சம்பளம், கடந்த கல்வியாண்டுக்கான வரவு-செலவு அறிக்கை உள்பட விவரங்களை தணிக்கை துறையிடமிருந்து பெற்று உரிய ஆவணங்களுடன் சமா்ப்பிக்க வேண்டும்.
கட்டணம் நிா்ணயம் செய்யப்பட்டவுடன் இந்தத் தகவல்கள் இணையதளத்தில் வெளியிடப்படும். அதை ஒப்பிட்டு பள்ளிகள் கூடுதல் கட்டணத்தை வசூலிப்பதாக பெற்றோா்களுக்கு சந்தேகம் எழுந்தால் நேரடியாக இந்தக் குழுவிடம் புகாா் செய்யலாம் என்று துறை அதிகாரிகள் தெரிவித்தனா்.
