புதிய முயற்சிக்கு தமிழ் சினிமா ரசிகர்கள் என்றும் ஆதரவு கொடுப்பார்கள் என்ற நம்பிக்கையில் இந்த ஆண்டு களம் இறங்குகிறது பட்டினப்பாலை என்ற திரைப்படம்.
அறிமுக இயக்குநர் பிரதாப் ராஜா இயக்கத்தில், யு கேன் புரொடக்ஷன்ஸ் நிறுவனத்தின் சார்பில் பி.வி.சந்திரசேகர் தயாரித்து நடித்திருக்கிறார்.
கிராமத்தில் நடக்கும் ஒரு கொலையைச் சுற்றி அரங்கேறும் சம்பவங்களை உள்ளடக்கிய சுவாரசியமான திரைக்கதையை கொண்ட படமாக உருவாகியுள்ளது பட்டினப்பாலை.
இத்திரைப்படத்துக்கு கெவின் இசையமைத்துள்ளார். இதில் இசையமைப்பாளர் ஜி.வி.பிரகாஷ் குமார் பாடல் ஒன்றைப் பாடியுள்ளதுடன், படக்குழுவினரையும் வெகுவாகப் பாராட்டியுள்ளார்.
பிரீத்தி, வேலப்பன், துவாரகேஷ், பாலசுப்பிரமணி, ராஜேந்திரன் ஆகியோர் முக்கிய வேடங்களில் நடித்துள்ளனர்.
கிருஷ்ணகிரி, குப்பம் ஆகிய பகுதிகளில் படப்பிடிப்பு நடந்துள்ளன. விரைவில் திரைக்கு வரும் இத்திரைப்படம் தமிழ் சினிமா ரசிகர்களை நிச்சயம் மகிழ்விக்கும் என்று படக்குழுவினர் நம்பிக்கை தெரிவித்துள்ளனர்.
2024இல் பல சிறிய பட்ஜெட் படங்கள் கவனம் பெற்றன. அந்த வரிசையில் பட்டினப்பாலை கவனம் ஈர்க்குமா எனப் பொருந்திருந்துதான் பார்க்க வேண்டும்.
