ஆளுநரை மத்திய அரசு திரும்பப் பெற வேண்டும்: திமுக ஆா்ப்பாட்டத்தில் கனிமொழி வலியுற...
பிக் பாஸ் 8 நிகழ்ச்சியின் 13வது வாரத்தில் இந்த சீசனின் பழைய போட்டியாளர்கள் இருவர் மீண்டும் வீட்டிற்குள் நுழையவுள்ளனர்.
வீட்டிற்குள் நுழையும் இரு பழைய போட்டியாளர்கள், போட்டியின் இறுதியில், வீட்டிற்குள் உள்ள இரு போட்டியாளர்களை மாற்ற வாய்ப்புள்ளதாகவும் தெரிகிறது.
பிக் பாஸ் சீசன் 8 நிகழ்ச்சி 13வது வாரத்தை எட்டியுள்ளது. கடந்த வாரம் ராணவ், மஞ்சரி ஆகியோர் வெளியேறிய நிலையில், 8 போட்டியாளர்கள் பிக் பாஸ் வீட்டிற்குள் உள்ளனர்.
பிக் பாஸ் நிகழ்ச்சி முடிய இன்னும் 2 வாரங்களே உள்ளதால், போட்டியின் மீதான எதிர்பார்ப்பு அதிகரித்துள்ளது. நேரடி இறுதிப் போட்டியாளராக ரயான் தேர்வு செய்யப்பட்டுள்ளார்.
மீண்டும் 2 பழைய போட்டியாளர்கள்
இந்நிலையில், போட்டியை மேலும் சுவாரசியமாக்கும் வகையில் பிக் பாஸில் இருந்து வெளியேறிய இரு பழைய போட்டியாளர்கள் மீண்டும் பிக் பாஸ் வீட்டிற்குள் நுழையவுள்ளனர்.
அவர்கள் போட்டியில் பங்கேற்பார்கள் என்றும், போட்டியின் முடிவில் வீட்டில் உள்ள இரு போட்டியாளர்களுக்கு மாற்றாக அவர்கள் இருப்பார்கள் எனவும் பிக் பாஸ் தெரிவித்துள்ளார்.
அதாவது போட்டியின் முடிவில், வீட்டில் உள்ள இரு போட்டியாளர்களை வெளியேற்றிவிட்டு அவர்களுக்கு பதிலாக உள்ளே நுழையும் இரு போட்டியாளர்கள் தொடருவார்கள்.
இதனால் பிக் பாஸ் வீட்டில் உள்ள போட்டியாளர்கள் அதிர்ச்சி அடைந்துள்ளனர். மீண்டும் முதலில் இருந்து போட்டியை விளையாட வேண்டுமா? என ஜாக்குலின் அதிர்ச்சி அடைகிறார்.
யார் பிக் பாஸ் வீட்டிற்குள் வந்தாலும், எஞ்சியுள்ள 16 நாள்களில் நம்முடைய முழு திறனையும் வெளிப்படுத்தினோம் என்ற திருப்தியில் செல்வோம் என முத்துக்குமரன் நம்பிக்கையோடு பேசுகிறார். இது தொடர்பான முன்னோட்ட விடியோ வெளியாகியுள்ளது.
இதையும் படிக்க | பிக் பாஸ் 8: செளந்தர்யா வெற்றி பெற ரவீந்திரன் உழைக்கிறாரா?
