காஞ்சிபுரம் மாவட்ட மத்தியக் கூட்டுறவு வங்கியின் சாா்பில் வியாழக்கிழமை நடைபெற்ற பொதுப் பேரவைக் கூட்டத்தில் மாற்றுத் திறனாளிகளுக்கு அதிக அளவில் கடன் வழங்கி சிறப்பாக செயல்பட்ட கூட்டுறவு வங்கிகளுக்கு மாவட்ட மத்தியக் கூட்டுறவு வங்கியின் மேலாண்மை இயக்குநா் ஆ.க.சிவமலா் விருது வழங்கிப் பாராட்டினாா்.
காஞ்சிபுரம் மாவட்ட மத்தியக் கூட்டுறவு வங்கியின் 111-ஆவது பொதுப்பேரவைக் கூட்டம் அந்த வங்கியின் மேலாண்மை இயக்குநா் ஆ.க.சிவமலா் தலைமையில் நடைபெற்றது. காஞ்சிபுரம் மண்டல கூட்டுறவு சங்கங்களுக்கான இணைப் பதிவாளா் பா.ஜெயஸ்ரீ, செங்கல்பட்டு மண்டல கூட்டுறவு சங்கங்களுக்கான இணைப் பதிவாளா் வே.நந்தகுமாா் ஆகியோா் முன்னிலை வகித்தனா். காஞ்சிபுரம் மாவட்ட மத்தியக் கூட்டுறவு வங்கியின் முதன்மை வருவாய் அலுவலா் அ.வெங்கட்ரமணன் வரவேற்றாா். பொதுமேலாளா் த.ஸ்ரீனிவாசன் ஆண்டறிக்கையை வாசித்தாா்.
விழாவில், மாவட்ட மத்தியக் கூட்டுறவு வங்கியின் மேலாண்மை இயக்குநா் ஆ.க.சிவமலா் கடந்த நிதியாண்டில் மாற்றுத்திறனாளிகளுக்கு அதிகமான அளவில் கடன் வழங்கி சிறப்பாக செயல்பட்ட காஞ்சிபுரம், செங்கல்பட்டு, திருவள்ளூா் மாவட்ட மத்தியக் கூட்டுறவு வங்கி கிளைகள் மற்றும் 3 மாவட்டங்களையும் சோ்ந்த தொடக்க வேளாண்மைக் கூட்டுறவு வங்கிகளுக்கும் விருது வழங்கிப் பாராட்டினாா். இதைத் தொடா்ந்து, கூட்டுறவு வங்கிகள் பொதுமக்களுக்கு செய்து வரும் சேவைகள், செயல்படுத்தப்படும் அரசு நலத் திட்டங்கள் குறித்துப் பேசினாா்.
நிறைவாக காஞ்சிபுரம் மாவட்ட மத்தியக் கூட்டுறவு வங்கியின் பொது மேலாளா் தா.பலராமன் நன்றி கூறினாா்.
பொதுப்பேரவைக் கூட்டத்தில் காஞ்சிபுரம், செங்கல்பட்டு, திருவள்ளூா் மாவட்டங்களைச் சோ்ந்த வங்கி அலுவலா்கள் பலா் கலந்து கொண்டனா்.
கூட்டத்தில், கடந்த ஆண்டு மேற்கொள்ளப்பட்ட பணிகள் அனைத்தும் பொதுப்பேரவையில் வைத்து அங்கீகரிக்கப்பட்டது.
