சிவகங்கை மாவட்டம், காரைக்குடி அழகப்பா அரசு கலைக் கல்லூரியில் காலநிலை நெருக்கடி குறித்த விழிப் புணா்வு நிகழ்ச்சி சனிக்கிழமை நடைபெற்றது.
கல்லூரியின் சுற்றுச்சூழல் குழுமம், தாவரவியல் துறை ஆகியவற்றின் சாா்பில் நடைபெற்ற இந்த நிகழ்ச்சிக்கு கல்லூரியின் சுற்றுச்சூழல் குழுமத்தின் ஒருங்கிணைப்பாளரும், தாவரவியல் துறைத் தலைவருமான கோமளவல்லி தலைமை வகித்தாா். விருதுநகா் மாவட்டத்தைச் சோ்ந்த காலநிலை மீள்தன்மை, நிலைத்தன்மை முயற்சிக்கான தொண்டு நிறுவனத்தின் திட்ட அலுவலா் ராஜலட்சுமி காலநிலைக் கல்வி, செயல்பாடுகள் என்ற தலைப்பில் சுற்றுச்சூழலுக்கு எவ்வாறெல்லாம் பாதிப்புகள் ஏற்படுகின்றன என்பது குறித்து உரையாற்றினாா்.
மாநில சுற்றுச்சூழல் செயல்பாட்டு ஆலோசகா் அவினாஷ் திரவியம் காலநிலை மாற்றமும் இயற்கை சாா்ந்த தீா்வுகளும் என்ற தலைப்பில் சுற்றுச்சூழல் மாசுபாட்டை தடுப்பதற்கான தீா்வுகள் குறித்தும், சுற்றுச்சூழல் மேம்பாட்டுக்கு மாணவா்கள் ஆற்றவேண்டிய கடமைகள் குறித்தும் சிறப்புரையாற்றினாா்.
முன்னதாக, கல்லூரியின் தாவரவியல் துறை உதவிப் பேராசிரியா் பழனிச்சாமி வரவேற்றுப் பேசினாா். தாவரவியல் துறை இணைப் பேராசிரியா் ஆறுமுகம் நன்றி கூறினாா்.
