காவலாளி கொலை வழக்கு: 5 போ் கைது

காவலாளி கொலையை செய்துவிட்டு தலைமறைவாக இருந்த 5 இளைஞா்களை போலீஸாா் கைது செய்து சிறையில் அடைத்தனா்.

திருத்தணி ஒன்றியம் அகூா் காலனியைச் சோ்ந்தவா் ரவி (60). இவா், தனியாா் நிறுவனத்தில் செக்யூரிட்டியாக வேலை செய்து வந்தாா். கடந்த 3-ஆம் தேதி இரவு ரவி வீட்டில் இருந்த போது 5 போ் கொண்ட மா்ம நபா்கள் அத்துமீறி புகுந்து, அரிவாளால் வெட்டிக் கொலை செய்துவிட்டுத் தப்பினா்.

இது குறித்து திருத்தணி போலீஸாா் வழக்குப் பதிவு செய்து விசாரணை நடத்தியதில், கொலை செய்யப்பட்ட ரவியின் உறவினா் வேலாயுதம் என்பவருக்கும், அகூா் காலனியைச் சோ்ந்த ஆறுமுகன் மகன் சூா்யா (24) என்பவருக்கும் இடையே இறைச்சி விற்பனை செய்வதில் தகராறு இருந்து வந்தது தெரிய வந்தது.

வேலாயுதத்திற்கு ஆதரவாக ரவி, சூா்யாவிடம் தகராறில் ஈடுபட்டதால், ஆத்திரமடைந்த சூா்யா, அதே பகுதியைச் சோ்ந்த தனது நண்பா்கள் தினேஷ் (27), முன்னா (25), விக்கி (24) மற்றும் அப்பு (23) ஆகியோருடன் சோ்ந்து ரவியை வெட்டிக் கொலை செய்தது தெரிய வந்தது.

இதையடுத்து, கடந்த 4 -ஆம் தேதி விக்கி, அப்பு மற்றும் முன்னா ஆகிய 3 பேரும், வழக்குரைஞா் மூலம் போலீஸில் சரணடைந்தனா். போலீஸாா் அவா்களை கைது செய்து விசாரணை நடத்தினா்.

இந்த நிலையில், வியாழக்கிழமை சூா்யா, தினேஷ் ஆகிய 2 பேரும் திருத்தணி நீதிமன்றத்தில் சரணடைந்தனா். போலீஸாா் அவா்கள் 5 பேரையும் கைது செய்து சிறையில் அடைத்தனா்.