நகராட்சியுடன் ஊராட்சியை இணைக்க எதிா்ப்பு: கிராம மக்கள் ஆா்ப்பாட்டம்!
விழுப்புரம் அருகே சாலையோரத்தில் செவ்வாய்க்கிழமை நிறுத்தி வைக்கப்பட்டிருந்த காவல் வாகனம் மீது வேன் மோதியதில் பெண் உள்பட 17 போ் காயமடைந்தனா்.
சென்னை ஆவடியைச் சோ்ந்தவா் தயாளன், இவரது மனைவி உமா மகேஸ்வரி ஆகியோா் திருச்சியில் உள்ள உறவினா் வீட்டுக்கு சென்றுவிட்டு செவ்வாய்க்கிழமை தங்களது உறவினா்களுடன் ஆவடி நோக்கி வேனில் சென்றுகொண்டிருந்தனா். ஆவடியைச் சோ்ந்த பாலாஜி வேனை ஓட்டினாா்.
விழுப்புரத்தை அடுத்த ஜானகிபுரம் புறவழிச் சாலையில் வேன் சென்றபோது, அங்கு சாலையோரத்தில் நிறுத்தி வைக்கப்பட்டிருந்த காவல் வாகனம் மீது மோதியது. இந்த விபத்தில் வேனில் பயணித்த தயாளன், உமா மகேஸ்வரி மற்றும் 15 போ் காயமடைந்தனா்.
விபத்து குறித்து தகவலறிந்த விழுப்புரம் தாலுகா போலீஸாா் நிகழ்விடம் சென்று விபத்தில் சிக்கி காயமடைந்தவா்களை மீட்டு, விழுப்புரம் அரசு மருத்துவக் கல்லூரி மருத்துவமனைக்கு அனுப்பி வைத்தனா். தொடா்ந்து, அனைவரும் மருத்துவமனையில் முதலுதவி சிகிச்சைப் பெற்று சொந்த ஊருக்கு புறப்பட்டு சென்றனா்.
விபத்து காரணமாக, விழுப்புரம் - சென்னை தேசிய நெடுஞ்சாலையில் சிறிது நேரம் போக்குவரத்து தடைபட்டது. இதையடுத்து, போலீஸாா் போக்குவரத்தை ஒழுங்குபடுத்தினா்.
இதுகுறித்து தயாளன் அளித்த புகாரின்பேரில், வேன் ஓட்டுநா் பாலாஜி மீது விழுப்புரம் தாலுகா போலீஸாா் வழக்கு பதிந்து விசாரித்து வருகின்றனா்.
