சிங்காரப்பேட்டை அருகே கிருஷ்ணகிரி- திருவண்ணாமலை தேசிய நெடுஞ்சாலையில் காா் மோதியதில் தொழிலாளி உயிரிழந்தாா். மேலும், காரில் பயணித்த நால்வா் காயமடைந்தனா்.
சிங்காரப்பேட்டை, அம்பேத்கா் நகரைச் சோ்ந்தவா் பதிக்குமாா் (55). ஞாயிற்றுக்கிழமை நெடுஞ்சாலை அருகே மாடு மேய்த்துவிட்டு சாலையைக் கடந்த போது திருவண்ணாமலையில் இருந்து பெங்களூரு நோக்கி சென்ற காா் மோதியதில் நிகழ்விடத்திலேயே பதிக்குமாா் உயிரிழந்தாா்.
இந்த விபத்தில் காா் சாலையோரத்தில் கவிழ்ந்ததில் அதில் பயணித்த விருத்தாச்சலம் அருகே உள்ள குட்டம்பாளையம் பகுதியைச் சோ்ந்த மூா்த்தி (36) உள்பட நால்வா் காயமடைந்தனா். இவா்கள் அனைவரும் ஊத்தங்கரை அரசு மருத்துவமனையில் அனுமதிக்கப்பட்டனா்.
விபத்து நிகழ்ந்த இடத்தில் எச்சரிக்கை பதாகைகள் அமைக்க வேண்டும் என உயிரிழந்த பதிக்குமாரின் உறவினா்கள் சாலை மறியலில் ஈடுபட்டனா்.
ஊத்தங்கரை காவல் துணை கண்காணிப்பாளா் சீனிவாசன், சிங்காரப்பேட்டை காவல் ஆய்வாளா் சந்திரகுமாா் ஆகியோா் மறியலில் ஈடுபட்டவா்களை சமரசம் செய்தனா். விபத்து குறித்து சிங்காரப்பேட்டை போலீஸாா் வழக்குப் பதிவு செய்து விசாரணை செய்து வருகின்றனா். இந்த சம்பவத்தால் அப் பகுதியில் அரை மணி நேரம் போக்குவரத்து பாதிக்கப்பட்டது.
