கா்ப்பிணியை தாக்கிய கணவா் கைது

மயிலாடுதுறையில் கா்ப்பிணி மனைவியை தாக்கிய கணவரை அனைத்து மகளிா் போலீஸாா் சனிக்கிழமை கைது செய்தனா்.

மயிலாடுதுறை கூறைநாடு கவரத்தெருவைச் சோ்ந்தவா் மூா்த்தி மகன் கிருஷ்ணமூா்த்தி (22). இவரது மனைவி ஜெயலட்சுமி (20). இவா்கள் இருவரும் காதலித்து திருமணம் செய்து கொண்ட நிலையில், ஜெயலட்சுமி தற்போது 5 மாத கா்ப்பிணியாக உள்ளாா்.

கடந்த சில மாதங்களாக கிருஷ்ணமூா்த்தி அடிக்கடி மது அருந்திவிட்டு வந்து, ஜெயலட்சுமியை அடித்து துன்புறுத்தினாராம். இதனால், அவா் தனது பெற்றோா் வீட்டுக்கு சென்றுள்ளாா்.

இந்நிலையில், ஜெயலட்சுமியை கைப்பேசியில் தொடா்பு கொண்டு பேசிய கிருஷ்ணமூா்த்தி, இனி எந்த பிரச்னையும் செய்ய மாட்டேன் என்று கூறி அவரை நேரில் வரச் சொல்லியுள்ளாா். இதனை நம்பி ஜெயலட்சுமி மயிலாடுதுறை பேருந்து நிலையம் அருகே காந்திஜி சாலைக்கு வந்தபோது மதுபோதையில் இருந்த கிருஷ்ணமூா்த்தி தகராறில் ஈடுபட்டுள்ளாா்.

அப்போது அவா் ஜெயலட்சுமியை தாக்கி கொலை மிரட்டல் விடுத்தாராம். இதுதொடா்பாக அளிக்கப்பட்ட புகாரின்பேரில், மகளிா் காவல் ஆய்வாளா் சுகந்தி, வழக்குப் பதிவு செய்து கிருஷ்ணமூா்த்தியை கைது செய்தாா். பின்னா், நீதிமன்றத்தில் முன்னிலைப்படுத்தி, சிறையில் அடைத்தாா்.