இந்திய ரயில்வே ஏழை, நடுத்தர மக்கள் வாழ்வில் ஓர் அங்கம்! - முதல்வர் ஸ்டாலின்
கா்ப்பிணி உள்ளிட்ட பெண்களை தாக்கும் விடியோ சமூக வலைதளங்களில் பரவியதையடுத்து கனகமாசத்திரம் காவல் நிலைய தலைமைக் காவலரை பணியிடை நீக்கம் செய்து திருவள்ளூா் எஸ்.பி. சீனிவாச பெருமள் உத்தரவிட்டாா்.
திருவாலங்காடு ஒன்றியம், கனகம்மாசத்திரத்தைச் சோ்ந்தவா் மதுமிதா (35). இவா் தனது தோழிகளான தனம் (38) , செவ்வந்தி (28) ஆகியோருடன் வாடகை வீட்டில் வசித்து வருகிறாா். இவா்களின் வீட்டின் அருகே வசித்து வரும் சிவாஜி என்பவா் திங்கள்கிழமை இரவு, மதுமிதா, செவ்வந்தி, தனம் ஆகியோா் தன்னை ஆபாசமாக பேசி, கொலை மிரட்டல் விடுவதாக கனகம்மாசத்திரம் காவல் நிலையத்தில் புகாா் அளித்தாா்.
இதேபோல் நெடும்பரம் கிராமத்தைச் சோ்ந்த அருண் என்பவரும் மதுமிதா மீது புகாா் அளித்திருந்தாா்.
இதையறிந்த மதுமிதா மற்றும் அவரது தோழிகள் இருவரும் சிவாஜி என்பவா் தங்களுக்கு ஆபாச மெசேஜ் அனுப்புவதாக அதிகாலை 1.30 மணிக்கு கனகம்மாசத்திரம் காவல் நிலையத்தில் புகாா் அளிக்க வந்தனா். அப்போது பணியில் இருந்த தலைமை காவலா் ராமனை பாா்த்து, சிவாஜிக்கு இவா் ஆதரவாக செயல்படுவதாக கூறி மதுமிதா, செவ்வந்தி, தனம் ஆகிய 3 பேரும் அவரை திட்டி, அவரது சட்டையை பிடித்து இழுத்ததாகக் கூறப்படுகிறது.
இதனால் ஆத்திரமடைந்த காவலா் ராமன் பெண்களை தாக்கியதாக கூறப்படுகிறது. இதனையடுத்து காவலா் ராமன் தாக்கியதால் காயமடைந்ததாக கூறி பெண்கள் மூவரும் திருத்தணி அரசு மருத்துவமனையில் சிகிச்சைக்கு சோ்ந்தனா். மேலும் காவலா் தாக்குவது போன்ற விடியோக்களை சமூக வலைதளங்களில் மதுமிதா மற்றும் அவரது தோழிகள் வெளியிட்டுள்ளனா். ஆனால் அந்த விடியோவில் 3 பெண்களும் காவலரை திட்டியது இடம்பெறவில்லை.
இந்த விடியோ சமூக வலைதளங்களில் வைரலாக பரவியதால் மாவட்ட எஸ்.பி. சீனிவாசபெருமாள் தலைமை காவலா் ராமனை பணியிடை நீக்கம் செய்து உத்தரவிட்டாா். அருண் அளித்த புகாரின் பேரில் மதுமிதா, மணிகண்டன் ஆகிய இருவா் மீதும், மதுமிதா அளித்த புகாரின் பேரில் அருண் மீதும் கனகம்மாசத்திரம் போலீஸாா் வழக்குப் பதிவு செய்து விசாரித்து வருகின்றனா்.
