கிருஷ்ணகிரியில் தீப்பிடித்து எரிந்த ஆம்னி வேன்

கிருஷ்ணகிரியில் சாலையோரமாக நிறுத்தப்பட்டிருந்த ஆம்னி வேன், தீப்பிடித்து எரிந்த சம்பவம் குறித்து போலீஸாா் விசாரணை செய்து வருகின்றனா்.

கிருஷ்ணகிரி, லண்டன்பேட்டை, டி.பி.லிங்க் சாலையைச் சோ்ந்தவா் அபிசுல்லா(50). பழைய காா்களை விற்பனை செய்யும் தொழில் செய்து வருகிறாா். இவா், அந்தப் பகுதியில் ஆம்னி வேனை, நிறுத்தி இருந்தாா். அந்த காா், திடீரென தீ பற்றி எரிந்து முற்றிலும் சேதம் அடைந்த்து.

இதுகுறித்து, அபிசுல்லா அளித்த புகாரின் பேரில், கிருஷ்ணகிரி நகர போலீஸாா், வழக்குப் பதிந்து, விசாரணை செய்து வருகின்றனா்.

கேட்பாரற்று கிடந்த காா்: குருபரப்பள்ளி போலீஸாா், தங்களது எல்லைக்கு உள்பட்ட பகுதியில் கண்காணிப்பு பணியில் சனிக்கிழமை ஈடுபட்டனா். அப்போது, அந்த பகுதியில் கேட்பாரற்று நின்றிருந்த காரை, பறிமுதல் செய்து, வழக்குப் பதிந்து, விசாரணை செய்து வருகின்றனா்.