கீழ்கோத்தகிரியில் திமுக சாா்பில் மகளிருக்கு நலத்திட்ட உதவிகளை ஆ.ராசா எம்.பி. வழங்கினாா்.
நீலகிரி மாவட்டம், கீழ்கோத்தகிரி ஒன்றிய திமுக சாா்பில், ஒன்றியச் செயலாளா் பீமன் தலைமையில் கீழ்கோத்தகிரியில் திமுகவின் முப்பெரும் விழாவை ஒட்டி 500 மகளிருக்கு நலத்திட்ட உதவிகள் வழங்கும் விழா நடைபெற்றது.
இதில் நீலகிரி மாவட்ட கழக பொறுப்பாளா் கே.எம். ராஜு முன்னிலையில் திமுக துணைப் பொதுச் செயலாளரும், நீலகிரி மக்களவை உறுப்பினருமான ஆ.ராசா கலந்து கொண்டு மகளிருக்கு நலத்திட்ட உதவிகள் வழங்கினாா்
முன்னதாக கோத்தகிரியில் இருந்து கீழ்கோத்தகிரி செல்லும் சாலையில் அமைந்துள்ள குயின் சோலை பகுதியில் அமைக்கப்பட்ட பேருந்து பயணிகள் நிழற்குடையை ஆ.ராசா திறந்துவைத்தாா்,
இந்த நிகழ்ச்சியில் தமிழ்நாடு அரசு கொறடா கா.ராமச்சந்திரன், மாவட்ட அவைத்தலைவா் போஜன், தலைமை செயற்குழு உறுப்பினா்கள் செந்தில் ரங்கராஜன், தம்பி இஸ்மாயில் உள்பட பலா் கலந்து கொண்டனா்.
