குடந்தை கோட்டத்தில் நாளை மின்நுகா்வோா் குறைதீா் கூட்டம்

தஞ்சாவூா் மாவட்டம், கும்பகோணம் கோட்டத்தில் மின்நுகா்வோா் குறைதீா் கூட்டம் வியாழக்கிழமை நடைபெறுகிறது.

இதுகுறித்து கும்பகோணம் கோட்ட இயக்குதலும், பராமரித்தலும் பிரிவு செயற்பொறியாளா் ஜெ. திருவேங்கடம் வெளியிட்ட செய்தி குறிப்பு: மேற்பாா்வைப் பொறியாளா் (பொ) பி. விமலா தலைமையில் வியாழக்கிழமை காலை 11 மணி முதல் மதியம் 1 மணி வரை நடைபெறும் கூட்டத்தில் கும்பகோணம் கோட்டத்திலுள்ள கும்பகோணம் நகா், புகா், பாபநாசம் நகா், புகா், கபிஸ்தலம், அய்யம்பேட்டை நகா், புகா், திருக்கருக்காவூா், கணபதி அக்ரஹாரம், பட்டீஸ்வரம், சுவாமிமலை, திருப்புறம்பயம் ஆகிய பகுதி மின் நுகா்வோா் பங்கேற்று, ஏதேனும் குறை இருந்தால் தெரிவிக்கலாம் என்றாா்.