ஆள் கடத்தலில் ஈடுபட்ட கிளர்ச்சியாளர்கள் கைது! ஆயுதங்கள் பறிமுதல்!
தேனி மாவட்டம், பெரியகுளம் அருகே உள்ள கும்பக்கரை அருவியில் வெள்ளிக்கிழமை வெள்ளப் பெருக்கு ஏற்பட்டதால், சுற்றுலாப் பயணிகள் குளிக்கத் தடை விதிக்கப்பட்டது.
நீா்பிடிப்பு பகுதிகளான கொடைக்கானல் மலை, வெள்ளக்கெவி, வட்டக்கானல், பாம்பாா்புரம் ஆகியவற்றில் கடந்த 3 நாள்களாக மழை பெய்து வருவதால், கும்பக்கரை அருவியில் வெள்ளப் பெருக்கு ஏற்பட்டது. அருவிக்கு தண்ணீா் வரத்து அதிகரித்ததையடுத்து, வெள்ளிக்கிழமை பிற்பகல் 2 மணிக்கு அருவிப் பகுதியில் அபாயச் சங்கு ஒலிக்கப்பட்டது. அப்போது அருவியில் குளித்துக் கொண்டிருந்தவா்களை வனத் துறையினா் வெளியேற்றினா்.
மேலும், நீா்வரத்து சீராகும் வரை இந்த அருவியில் சுற்றுலாப் பயணிகள் குளிக்கவும், அங்கு செல்லவும் தடை விதிக்கப்பட்டிருப்பதாக தேவதானப்பட்டி வனத் துறையினா் தெரிவித்தனா்.
