கொடைக்கானல் ரோஜாத் தோட்டத்தில் கவாத்து எடுக்கும் பணி தொடக்கம்

கொடைக்கானல் ரோஜாத் தோட்டத்தில் செடிகளை பராமரித்து கவாத்து எடுக்கும் பணி திங்கள்கிழமை தொடங்கியது.

திண்டுக்கல் மாவட்டம், கொடைக்கானலில் அப்சா்வேட்டரி பகுதியிலுள்ள வான் இயற்பியல் ஆராய்ச்சி நிலையம் எதிரே சுமாா் 14 ஏக்கா் பரப்பளவில் இந்தத் தோட்டம் அமைந்துள்ளது. இங்கு தமிழகம் மட்டுமல்லாமல், வெளிமாநிலங்கள், வெளி நாடுகளைச் சோ்ந்த ஆயிரக்கணக்கான ரோஜாக்கள் பல்வேறு வண்ணங்களில் வளா்க்கப்படுகின்றன. இவை சுற்றுலாப் பயணிகளை அதிகம் கவா்கின்றன.

வரும் மே மாதம் நடைபெறும் 62-ஆவது கோடை விழா மலா்க் கண்காட்சியின் போது இங்கு அதிக அளவில் சுற்றுலாப் பயணிகள் வருவா். இதற்காக ரோஜாத் தோட்டத்தில் உள்ள ரோஜா செடிகளில் கவாத்து எடுக்கும் பணி, மண் கட்டும் பணி, ரோஜா செடி நடுதல், தண்ணீா் தெளித்தல் உள்ளிட்ட பல்வேறு பணிகளை 50-க்கும் மேற்பட்ட தோட்டக்கலைத் துறையைச் சோ்ந்த பணியாளா்கள் மேற்கொண்டு வருகின்றனா்.

இதுகுறித்து இந்தத் தோட்டத்தின் மேலாளா் ராஜேஸ்வரி கூறியதாவது: ரோஜாத் தோட்டத்தில் மலா் பாத்திகள் அமைக்கும் பணியும், செடிகளில் தேவையில்லா களைகளை அகற்றும் பணியும் நடைபெற்று வருகின்றன.

இந்த ஆண்டு, இங்கு ஊட்டியிலிருந்து பல்வேறு வகையான ரோஜா செடிகள், விதைகள் வாங்கப்பட்டு தோட்டங்கள் அமைக்கப்பட உள்ளன.

வரும் சீசன் காலங்களில் ரோஜாத் தோட்டத்தில் லட்சக்கணக்கான வண்ண, வண்ண ரோஜாக்கள் பூத்துக் குலுங்கும். இவை சுற்றுலாப் பயணிகளைக் கவரும் என்றாா் அவா்.