கோடைகால விளையாட்டு பயிற்சி முகாம்: தூத்துக்குடியில் ஏப்.25-இல் தொடக்கம்!

தூத்துக்குடி மாவட்ட விளையாட்டரங்கில் கோடைகால விளையாட்டு பயிற்சி முகாம் ஏப். 25 முதல் மே 15-ஆம் தேதி வரை நடைபெறவுள்ளதாக மாவட்ட ஆட்சியா் க.இளம்பகவத் தெரிவித்துள்ளாா்.

இதுகுறித்து அவா் வெளியிட்ட செய்திக்குறிப்பு: தமிழ்நாடு விளையாட்டு மேம்பாட்டு ஆணையம் சாா்பில் தூத்துக்குடி மாவட்ட விளையாட்டு அரங்கில் கோடைகால விளையாட்டு பயிற்சி முகாம் ஏப். 25 முதல் மே 15-ஆம் தேதி வரை நடைபெறுகிறது.

தடகளம், கூடைப்பந்து, கால்பந்து, ஹாக்கி, கையுந்துபந்து ஆகிய விளையாட்டுகளில் ஆண், பெண் இருபாலருக்கும் பங்கேற்கலாம். பயிற்சி முகாம் தினமும் காலை 6 மணி முதல் 8 மணி வரை, மாலை 4.30 மணி முதல் 6.30 மணி வரை

நடைபெறும். ஆண்களுக்கான ஹாக்கி பயிற்சி மட்டும், கோவில்பட்டி செயற்கை இழை ஹாக்கி மைதானத்தில் நடைபெறும். இலவசமாக நடத்தப்படும் இப்பயிற்சி முகாமில் 18 வயதிற்குள்பட்ட மாணவா்-மாணவிகள், மாணவரல்லாதோா் பங்கேற்கலாம். விருப்பம் உள்ளவா்கள் மாவட்ட விளையாட்டு மற்றும் இளைஞா் நலன் அலுவலா், தமிழ்நாடு விளையாட்டு மேம்பாட்டு ஆணையம், மாவட்ட விளையாட்டரங்கம், ஜாா்ஜ் ரோடு, தூத்துக்குடி என்ற முகவரியில் நேரிலோ,

0461-2321149 என்ற தொலைபேசி, 74017 03508 என்ற கைப்பேசியிலோ தொடா்புகொண்டு பெயரை பதிவு செய்து பயிற்சி வகுப்புகளில் பங்கேற்கலாம். இப்பயிற்சி முகாமில் பங்கேற்கும் அனைவருக்கும் சான்றிதழ்கள் வழங்கப்படும் எனத் தெரிவித்துள்ளாா்.