கோவில்பட்டி வட்டத்துக்குள்பட்ட அனைத்து குறுவட்ட வருவாய் ஆய்வாளா் அலுவலகங்களில் முன்னோடி மனுநீதி நாள் முகாம் சனிக்கிழமை (நவ.9) நடைபெறுகிறது.
இதுகுறித்து கோவில்பட்டி வட்டாட்சியா் சரவணப் பெருமாள் விடுத்துள்ள செய்திக்குறிப்பு:
கோவில்பட்டி வட்டத்தில் உங்களைத் தேடி உங்கள் ஊரில் திட்ட முகாம் நவ.20-ஆம் தேதி நடைபெறுகிறது. இதற்கான முன்னோடி மனுநீதி நாள் முகாம், கோவில்பட்டி வட்டத்திற்குள்பட்ட கோவில்பட்டி, இளையரசனேந்தல், கழுகுமலை ஆகிய குறுவட்ட வருவாய் ஆய்வாளா் அலுவலகங்களில் சனிக்கிழமை காலை 10 மணி முதல் பிற்பகல் 3 மணி வரை நடைபெறுகிறது. அந்தந்த குறுவட்டங்களைச் சோ்ந்த
பொதுமக்கள் தங்களது கோரிக்கை மனுக்களை அளித்து பயன்பெறலாம் எனத் தெரிவிக்கப்பட்டுள்ளது.
