சட்டவிரோத வாக்குகள் அகற்றப்பட வேண்டுமா இல்லையா? - ஆம் ஆத்மிக்கு மனோஜ் திவாரி கேள்வி

தில்லியில் உள்ள சட்டவிரோத ரோஹிங்கியா மற்றும் வங்கதேச ஊடுருவல்காரா்களின் வாக்குகள் அகற்றப்பட வேண்டுமா இல்லையா என்பதை ஆம் ஆத்மி கட்சி அடுத்த 24 மணி நேரத்திற்குள் தெளிவுபடுத்த வேண்டும் என்று வடகிழக்கு தில்லி பாஜக எம்.பி. மனோஜ் திவாரி சனிக்கிழமை தெரிவித்துள்ளாா்.

இது தொடா்பாக அவா் வெளியிட்டுள்ள அறிக்கையில் கூறியுள்ளதாவது: பாஜக, பூா்வாஞ்சல் சமூகத்தை அவமரியாதை செய்வதாகவும், அவா்களின் சமூக அடையாளத்தை கேள்விக்குள்ளாக்குவதாகவும் ஆம் ஆத்மி கட்சித் தலைவா்கள் குற்றம் சாட்டியுள்ளனா். ஆனால், தில்லியில் பூா்வாஞ்சல் சமூகத்தின் அடையாளத்தை வலுப்படுத்த பாஜக பெரும் பங்களிப்பை செய்துள்ளது. நகரத்தில் சத் பூஜையை பொது விடுமுறையாக அறிவித்ததில் பாஜக முக்கிய பங்கு வகிக்கிறது. இதனால் பூா்வாஞ்சலின் முக்கியப் பண்டிகைக்கு உரிய மரியாதை கொடுக்கப்பட்டது.

தில்லியில் உள்ள சட்டவிரோத வங்காளதேசம் மற்றும் ரோஹிங்கியா ஊடுருவல்காரா்களின் வாக்குகள் அகற்றப்பட வேண்டுமா என்பது குறித்து 24 மணி நேரத்திற்குள் தெளிவான பதிலை அரவிந்த் கேஜரிவால் மற்றும் சஞ்சய் சிங்

ஆகியோா் அளிக்க வேண்டும். நாங்கள் இந்த பிரச்னையை நாடாளுமன்றத்தில் எழுப்பினோம். சட்ட விரோதமாக ஊடுருவியவா்களை வன்முறைக்கு உட்படுத்தாமல், அந்தந்த நாடுகளுக்கு கைது செய்து, நாடு கடத்த வேண்டும் என்று வாதிட்டோம். கேஜரிவால் பூா்வாஞ்சல் சமூகத்தை பல சந்தா்ப்பங்களில் அவமதித்தவா். கடந்த 2019-ஆம் ஆண்டு பூா்வாஞ்சல் மக்கள் தில்லிக்கு₹ரூ.500 செலவில் பயணம் செய்து, ரூ.5 லட்சம் மதிப்பிலான இலவச சிகிச்சையைப் பெற்று திரும்பிச் செல்வதாக கேஜரிவால் கூறினாா்.

கரோனா காலத்தில் தில்லியில் புலம்பெயா்ந்த தொழிலாளா்களுக்கு உணவு மற்றும் பாதுகாப்பை வழங்குவதற்குப் பதிலாக, ஆம் ஆத்மி அரசு அவா்களை தங்கள் மாநிலங்களுக்குத் திரும்ப பேருந்துகளில் ஏற்றி, அவா்களின் உயிருக்கு ஆபத்தை

விளைவித்தது. கடந்த 10 ஆண்டுகளில் கேஜரிவாலின் அரசு அங்கீகரிக்கப்படாத காலனி குடியிருப்பாளா்களின் வாழ்க்கை நிலைமையை மோசமாக்கியுள்ளது. அவா்களில் 70% போ் பூா்வாஞ்சல் மற்றும் உத்தரகண்ட் மாநிலத்தைச் சோ்ந்தவா்கள்.

இருந்தபோதிலும், ஆம் ஆத்மி கட்சி அவா்களின் கவலைகளை நிவா்த்தி செய்யத் தவறிவிட்டது. தில்லியை சாதி மற்றும் மதம் அடிப்படையில் ஆம் ஆத்மி கட்சி எப்போதும் பிரிக்க முயற்சிக்கிறது. மாறாக, நாட்டின் தலைநகராக தில்லியின் அந்தஸ்துக்கு ஒற்றுமை மற்றும் அனைவரையும் உள்ளடக்கிய நிா்வாகம் தேவையாக உள்ளது என்றாா் மனோஜ் திவாரி.