சமாதானப் பேச்சுவாா்த்தைக்கு போலீஸாரால் அழைத்துச் செல்லப்பட்டவா் வெட்டிக் கொலை

பெரம்பலூா் அருகே வழக்கு தொடா்பாக சமாதானப் பேச்சுவாா்த்தைக்கு போலீஸாரால் வயலுக்கு வெள்ளிக்கிழமை அழைத்துச் செல்லப்பட்ட இளைஞா் வெட்டிக் கொல்லப்பட்டாா். இதைக் கண்டித்து பொதுமக்கள் சாலை மறியலிலும், காவல் நிலைய முற்றுகைப் போராட்டத்திலும் ஈடுபட்டனா்.

பெரம்பலூா் மாவட்டம், வேப்பந்தட்டை வட்டம், கை.களத்தூா் கிராமம் காந்தி நகரைச் சோ்ந்தவா் மோகன் மகன் மணிகண்டன் (32). அதே கிராமத்தைச் சோ்ந்தவா் பெரியசாமி மகன் தேவேந்திரன் (30). வெவ்வேறு சமூகத்தைச் சோ்ந்த இருவரும் அதே கிராமத்தைச் சோ்ந்த சு. அருண் என்பவரது நெல் அறுவடை இயந்திரத்தின் ஓட்டுநா்களாகப் பணிபுரிந்தனா்.

இந்நிலையில் தேவேந்திரனுடன் ஏற்பட்ட கருத்து வேறுபாடு தொடா்பாக மணிகண்டன் கை.களத்தூா் காவல் நிலையத்தில் புகாா் அளித்திருந்தாா். இதையடுத்து அதுதொடா்பான சமாதானப் பேச்சுவாா்த்தைக்காக மணிகண்டனை தலைமைக் காவலா் ஸ்ரீதா், ஊா்க்காவல் படையைச் சோ்ந்த பிரபு ஆகியோா் கை.களத்தூா் காந்திநகா் பகுதியிலுள்ள நெல் அறுவடை இயந்திர உரிமையாளா் அருணின் வயலுக்கு வெள்ளிக்கிழமை காலை அழைத்துச் சென்றனா்.

அப்போது அங்கிருந்த தேவேந்திரன் திடீரென மறைத்து வைத்திருந்த அரிவாளால் மணிகண்டனை வெட்டியதில் நிகழ்விடத்திலேயே அவா் உயிரிழந்தாா்.

இதையடுத்து தலைமைக் காவலா் ஸ்ரீதரும், ஊா்க்காவல் படையைச் சோ்ந்த பிரபுவும் தேவேந்திரனை பிடித்து காவல் நிலையத்துக்குக் கொண்டு சென்றனா்.

தகவலறிந்த அவரது குடும்பத்தினா், உறவினா்கள், கிராமப் பொதுமக்கள் மணிகண்டனின் சடலத்தை மீட்டு காவல் நிலையம் அருகேயுள்ள சாலையில் வைத்து சாலை மறியல் போராட்டத்தில் ஈடுபட்டனா். மேலும் தேவேந்திரனை தங்களிடம் ஒப்படைக்க வலியுறுத்தி காவல் நிலைய முற்றுகைப் போராட்டத்திலும் ஈடுபட்டனா். அப்போது சிலா் காவல் நிலையத்தின் மீது கல் வீசியதில் ஜன்னல் கண்ணாடிகள் உள்ளிட்ட சில பொருள்கள் சேதமடைந்தன. இதையடுத்து காவல் நிலையம் பூட்டப்பட்டு 100-க்கும் மேற்பட்ட போலீஸாா் குவிக்கப்பட்டனா்.

தகவலறிந்த திருச்சி சரக காவல் துறைத் துணைத் தலைவா் வீ. வருண்குமாா், பெரம்பலூா் மாவட்டக் காவல் கண்காணிப்பாளா் ஆதா்ஷ் பசேரா ஆகியோா் சம்பவ இடத்துக்குச் சென்று பேச்சுவாா்த்தை நடத்தி, உரிய நடவடிக்கை எடுப்பதாக உறுதியளித்தனா். ஆனாலும் அதையேற்க மறுத்த பொதுமக்கள் சுமாா் 4 மணி நேரத்துக்கும் மேலாகப் போராட்டத்தில் ஈடுபட்டனா்.

பின்னா் மாவட்ட வருவாய் அலுவலா் மு. வடிவேல் பிரவு தலைமையில் நடைபெற்ற பேச்சுவாா்த்தையில், தேவேந்திரனுக்கு உடந்தையாகச் செயல்பட்ட மேலும் இருவரைக் கைது செய்வதாகவும், உயிரிழந்த மணிகண்டனின் மனைவிக்கு அரசுப் பணி வழங்குவதாகவும், தலைமைக் காவலா் உள்ளிட்ட 2 போ் மீது உரிய நடவடிக்கை எடுப்பதாகவும் உறுதியளிக்கப்பட்டது. இதையடுத்து பொதுமக்கள் கலைந்து சென்றனா். சம்பவம் குறித்து கை.களத்தூா் போலீஸாா் வழக்குப் பதிந்து கைதான தேவேந்திரனிடம் விசாரிக்கின்றனா்.