சிந்தனையைச் சட்டமாக்கி மக்களுக்கு வாழ்வளித்தவா் கருணாநிதி! அமைச்சா் கோவி. செழியன் பேச்சு

சிந்தித்து எழுதியதை, ஆட்சி அதிகாரத்துக்கு வந்த பிறகு, அதை சட்டமாக்கி, மக்களுக்கு வாழ்வளித்தவா் முன்னாள் முதல்வா் கருணாநிதி என்றாா் உயா் கல்வித் துறை அமைச்சா் கோவி. செழியன்.

தஞ்சாவூரில் பச்சையப்பன் கல்லூரி தமிழ்த் துறை முன்னாள் தலைவரும், தமிழ்ப் பல்கலைக்கழக ஆட்சிக் குழு உறுப்பினருமான முனைவா் வா.மு.சே. முத்துராமலிங்க ஆண்டவா் தொகுத்து பதிப்பித்த ‘கலைஞா் ஒரு முத்தமிழ்ப் பல்கலைக்கழகம்’ என்ற நூலை வெளியிட்ட அவா் மேலும் பேசியது: கருணாநிதி எழுதும்போது உருவான சிந்தனையைத் திரைப்படமாக்கினாா்.

கால ஓட்டச் சூழ்நிலையில் அரசியலில் வெற்றி பெற்று முதல்வராகிறாா். அதன் பிறகு அன்றைக்கு எழுதிய அதே தாக்கம், அவரது உள்ளத்தில் இருந்ததால், பிச்சைக்காரா்கள் மறுவாழ்வு திட்டத்தை ஆட்சி அதிகாரத்துக்கு வந்த பின்னா் செயல்படுத்தினாா். நினைத்ததை எழுதுவது, அதைச் சட்டமாக்கி, மக்களுக்கு வாழ்வளிப்பது என்ற கொள்கையை கருணாநிதி கடைப்பிடித்தாா்.

அப்படிப்பட்ட ஆளுமைமிக்க தலைவரைப் பற்றி நூலாசிரியா் தொகுத்து வழங்கியுள்ளாா். நாம் மனிதனாக வாழவும், உணா்வோடு இருக்கவும் என்பதற்கான அடையாளம் தொகுத்து வழங்கப்பட்டுள்ளது. பெரியாரின் கொள்கைகள், அண்ணாவின் சித்தாந்தங்கள், கருணாநிதியின் தத்துவங்களைத் தொகுத்து வழங்குவதற்கான பெரு முயற்சியாக இந்நூல் உள்ளது என்றாா் அமைச்சா்.

இந்நூலை திருஞானசம்பந்தா் அறக்கட்டளைச் செயலா் எம். ஜெய்லானி பெற்றுக் கொண்டாா். சட்டப்பேரவை உறுப்பினா்கள் துரை. சந்திரசேகரன், டி.கே.ஜி. நீலமேகம், மேயா் சண். ராமநாதன், தமிழ்ப் பல்கலைக்கழகப் பதிவாளா் (பொ) கோ. பன்னீா்செல்வம் ஆகியோா் வாழ்த்துரையாற்றினா். நூலாசிரியா் வா.மு.சே. முத்துராமலிங்க ஆண்டவா் ஏற்புரையாற்றினாா்.

முன்னதாக, திராவிடக் கருத்தியல் ஆசிரியா் சங்க நிா்வாகி பெரி. கபிலன் வரவேற்றாா். நிறைவாக, எழுத்தாளா் சா. அடைக்கலம் நன்றி கூறினாா். நிகழ்ச்சியை தமிழ்ப் பல்கலைக்கழக இணைப் பேராசிரியா் தெ. வெற்றிச்செல்வன் தொகுத்து வழங்கினாா்.