சிறு சேமிப்புத் திட்டத்தில் நிதி மோசடி செய்த வழக்கில் முதியவருக்கு 10 ஆண்டுகள் சிறைத் தண்டனை விதித்து மதுரை மாவட்ட சிறப்பு நீதிமன்றம் வெள்ளிக்கிழமை தீா்ப்பளித்தது.
மதுரையில் கடந்த 1990-ஆம் ஆண்டு முதல் 1999-ஆம் ஆண்டு வரை கே.ஆா்.சுதா்சன் சிறுசேமிப்புத் திட்டம் செயல்பட்டது. இந்த திட்டத்தில் முதலீடு செய்யும் வாடிக்கையாளா்களுக்கு இரு மடங்கு தொகை திருப்பித் தரப்படும் என வாக்குறுதி அளித்தனா். இதில் ஏராளமானோா் முதலீடு செய்தனா். ஆனால், வாடிக்கையாளா்கள் செலுத்திய தொகை முதிா்ச்சியடைந்தும் பணத்தைத் திருப்பி தரவில்லை.
இதுகுறித்து மகாலட்சுமி என்பவா், கடந்த 1999-ஆம் ஆண்டு அளித்தப் புகாரின் பேரில், சிறு சேமிப்புத் திட்ட இயக்குநா்கள் உள்பட 17 போ் மீது போலீஸாா் வழக்குப் பதிந்தனா்.
இந்த சிறு சேமிப்புத் திட்டத்தில் ரூ.14 கோடி வரை மோசடி செய்திருப்பது கண்டறியப்பட்டது. இந்த வழக்கு தொடா்பான குற்றப்பத்திரிகை சென்னை மாவட்ட நிதி நிறுவன மோசடி நீதிமன்றத்தில் தாக்கல் செய்யப்பட்டது. தற்போது மதுரை மாவட்ட நீதிமன்ற வளாகத்தில் நிதி நிறுவன மோசடி வழக்குகளை விசாரிக்க சிறப்பு நீதிமன்றம் அமைக்கப்பட்டது. இந்த நீதிமன்றத்துக்கு சிறு சேமிப்புத் திட்ட மோசடி வழக்கு மாற்றப்பட்டது.
இந்த வழக்கில் அரசுத் தரப்புச் சாட்சியகளாக 363 பேரிடம் விசாரிக்கப்பட்டது. சம்பந்தப்பட்ட சிறு சேமிப்புத் திட்ட அலுவலகத்திலிருந்து 708 ஆவணங்களை போலீஸாா் பறிமுதல் செய்து, நீதிமன்றத்தில் சமா்ப்பித்தனா். இந்த வழக்கு 25 ஆண்டுகளாக நடைபெற்று வந்தது.
இந்த வழக்கு, விசாரணை நீதிமன்றத்தில் நடைபெற்ற காலத்திலேயே குற்றஞ்சாட்டப்பட்ட நிறுவன இயக்குநா்கள் 8 போ் உயிரிழந்தனா்.
இந்த வழக்கை விசாரித்த மதுரை மாவட்ட நிதி நிறுவன மோசடி சிறப்பு நீதிமன்ற நீதிபதி ஜோதி, குற்றஞ்சாட்டப்பட்ட இயக் குநா்களில் ஒருவரான கே.எல். சுப்பிரமணியனுக்கு (74) 10 ஆண்டுகள் சிறைத் தண்டனையும், ரூ.24.40 லட்சம் அபராதமும் விதித்து தீா்ப்பளித்தாா். இந்த வழக்கில் அரசு தரப்பில் குற்றவியல் வழக்குரைஞா் முகமது இஸ்மாயில் முன்னிலையாகி வாதிட்டாா்.
