சென்னையில் 13 ஏரிகள் புனரமைக்கும் பணி டிசம்பருக்குள் நிறைவடையும்: அமைச்சா் பி.கே.சேகா்பாபு

சென்னையில் உள்ள 13 ஏரிகளை புனரமைக்கும் பணி எதிா்வரும் டிசம்பா் மாதத்துக்குள் நிறைவடையும் என இந்து சமய அறநிலையத்துறை அமைச்சரும், சென்னை பெருநகா் வளா்ச்சிக் குழும (சிஎம்டிஏ) தலைவருமான பி.கே.சேகா்பாபு தெரிவித்தாா்.

வடசென்னை வளா்ச்சித் திட்டத்தின் கீழ் சிஎம்டிஏ சாா்பில் மேம்படுத்தப்பட்டு வரும் கொளத்தூா் ஏரி முன்னேற்றப் பணிகள் மற்றும் ஏரி ஓரமாக வசிப்போருக்கு மாற்று இடம் வழங்குவது குறித்து அமைச்சா் பி.கே.சேகா்பாபு சனிக்கிழமை நேரில் பாா்வையிட்டு ஆய்வு செய்தாா். பின்னா் அவா் செய்தியாளா்களிடம் கூறியதாவது:

சென்னையில் உள்ள 13 ஏரிகள் ரூ. 250 கோடி மதிப்பில் சிஎம்டிஏ சாா்பில் புனரமைக்கப்பட்டு வருகிறது. இந்த ஏரிகள் அழகுபடுத்தப்பட்டு, காலையில் உடற்பயிற்சிக்கு ஏற்ற வகையில் பூங்காக்கள் போல் வடிவமைக்கப்படுகிறது. மேலும், மாணவா்கள் பயன்பெறும் வகையில் இருக்கை வசதி மற்றும் மின்விளக்குகள் அமைக்கப்படும். அதன் ஒரு பகுதியாக கொளத்தூரில் உள்ள ஏரி புனரமைக்கப்படவுள்ளது.

மழைக்காலத்தில் ஏரிக்கு அதிகமாக வரும் தண்ணீரை, செங்குன்றம் பகுதி வழியாக தணிகாசலம் கால்வாய்க்கு கொண்டு செல்ல வடிகால் அமைக்கப்படவுள்ளது. இது குறித்து தற்போது ஆய்வு நடைபெற்று வருகிறது. மேலும், ஏரி ஓரமாக உள்ள 81 வீடுகள் அப்புறப்படுத்த திட்டமிடப்பட்டுள்ளது. இதில் வசிப்போருக்கு எவ்வித கட்டணமும் இல்லாமல் மூலக்கொத்தளம் பகுதியில் மாற்று இடம் வழங்கப்படும். அதன்பின் அங்குள்ள சுமாா் 2 ஏக்கா் நிலப்பரப்பில் நடைபாதை பூங்கா அமைத்து மழைநீா் வரும் வகையில் நீா்வழித்தடம் ஏற்படுத்தப்படும். இதனால் அப்பகுதியில் வெள்ளம் ஏற்படுவது தடுக்கப்படும். இந்தப் பணிகள் அனைத்தும் அடுத்த 6 மாதத்துக்குள் முடிக்க திட்டமிடப்பட்டுள்ளது.

ஆலந்தூா் போன்ற ஏரிகள் மறுகட்டமைப்பு செய்து, மறுசுழற்சி செய்வதற்கான இடம் தோ்வு நடந்து வருகிறது. இந்த 13 ஏரிகளும் எதிா்வரும் டிசம்பா் மாத இறுதிக்குள் முடிவடையும் என்றாா் அவா்.

ஆய்வின்போது, சென்னை மேயா் ஆா்.பிரியா, வீட்டு வசதி மற்றும் நகா்ப்புற வளா்ச்சித் துறை கூடுதல் தலைமைச் செயலா் காகா்லா உஷா, சிஎம்டிஏ முதன்மைச் செயல் அலுவலா் அ.சிவஞானம், சென்னை மாவட்ட ஆட்சியா் ரஷ்மி சித்தாா்த் ஜகடே உள்ளிட்டோா் உடனிருந்தனா்.