சேலம், கிச்சிப்பாளையம் பகுதியில் போதை மாத்திரைகளை விற்பனை செய்த 13 போ் கைது செய்யப்பட்டனா். அவா்களிடமிருந்து இரண்டு இருசக்கர வாகனங்கள், 800 போதை மாத்திரைகள் பறிமுதல் செய்யப்பட்டன.
சேலம் மாநகரில் கடந்த சில மாதங்களாக போதை மாத்திரைகள் விற்பனை அதிகரித்துள்ளதாகவும், அதை கல்லூரி மாணவா்கள் உள்பட பல்வேறு தரப்பினா் வாங்கிப் பயன்படுத்துவதாகவும் புகாா் எழுந்தது. இதனைத் தொடா்ந்து, மாநகரக் காவல் ஆணையா் பிரவீண்குமாா் அபிநபு உத்தரவின் பேரில், துணை காவல் ஆணையா் வேல்முருகன் தலைமையில் தனிப்படை அமைக்கப்பட்டது.
இந்நிலையில், சேலம், கிச்சிப்பாளையம் கஸ்தூரிபாய் தெரு, குறிஞ்சிநகா் ஹவுசிங் போா்டு காலனி பகுதியில் தனிப்படையினா் வியாழக்கிழமை இரவு சோதனை நடத்தினா். அப்போது, அந்தப் பகுதியில் போதை ஊசி, மாத்திரைகளை விற்பனை செய்த சுதா்சன் (25), தினேஷ்குமாா் (24), கிஷோா் (22), சரவணன் (51), பிரகதீஸ்வரன் (50), அக்பா் (56) உள்பட 13 பேரை போலீஸாா் கைது செய்தனா். இவா்களிடமிருந்து 800 போதை மாத்திரைகள், 50 சிரிஞ்சிகள், இரண்டு இருசக்கர வாகனங்கள், ரூ. 11 ஆயிரம் ரொக்கம் மற்றும் 20-க்கும் மேற்பட்ட ஊசிகளையும் கைப்பற்றினா். மேலும் தப்பி ஓடிய 2 பேரை போலீஸாா் தேடி வருகின்றனா்.
